Matiu 10:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

Matiu 10:22 Referans Kwoze

Matiu 24:13

Ẹkẹvuọvo ihwo ri se chirako te oba, kẹ eye re cha rhọ.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Iyẹnrẹ Esiri ri Mak 13:13

Ihwo ejobi cha jẹ ovwan eghrẹ vwi fiki rẹ odẹ mẹ; ẹkẹvuọvo ohwo ro se chirako ri te oba, ọye re cha rhọ.

Matiu 10:39

Ohwo rọ guọnọ arhọ rọye ko kuofia, ọ ro rhe ku arhọ rọye fia fiki mẹ ko sivwo rhọ.

1 Jọn 3:13

Imoni mẹ, akpọ na de tuoma rẹ ovwan, e jo gbe ovwan unu-u.

Matiu 24:9

Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

Iyẹnrẹ Esiri ri Jọn 17:14

Me vwẹ ota wẹn vwọ kẹ ayen; akpọ na de tuoma rẹ ayen fikiridie ayen dia e rẹ akpọ na-a, mrẹmrẹ kirobo re me je dia ọ rẹ akpọ na-a na.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Iyẹnrẹ Esiri ri Luk 6:22

Ebruba kẹ ovwan vwẹ ọke rẹ ihwo de tuoma rẹ ovwan, rẹ ayen da hẹriẹ ovwan nẹ oma re ayen da ghwọ ku ovwan, rẹ ayen de mu odẹ umwemwu kẹ ovwan, fiki rẹ Ọmọ rẹ ohwo!

2 Kọrẹnt 4:11

Kidie rẹ avwanre vwọ hẹ akpọ na a vwẹ avwanre ze kẹ ughwu kọke kọke fiki ri Jesu, rere arhọ ri Jesu vwọ sa phia vwẹ ugboma rẹ avwanre ro ghwẹ na.

Matiu 5:11

Ebruba kẹ ovwan, vwẹ ọke rẹ ihwo da ghwọ ku ovwan, rẹ ayen de mu ovwan, rẹ ayen da ta ota ọbrabra kpahe ovwan fiki mẹ.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Ẹvwọphia 2:26

Ohwo ro phi kparobọ rọ yọnre iruo mẹ re te oba, ke me kẹ ogangan vwẹ enu rẹ ẹgborho na,

Iruo rẹ Iyinkọn na 9:16

Mi che dje kẹ ojoja ro cha re fiki mẹ.

Ẹvwọphia 2:3

Wo de vwo erhiori wo de chirako fiki rẹ odẹ mẹ, oma sa ghwọrọ owẹ-ẹ.

Isẹ 29:27

Ohwo ọbrabra hẹ ẹgua kẹ ọvwata, ẹkẹvuọvo ohwo rẹ idjerhe rọye phiọnre je hẹ ẹgua kẹ ohwo umwemwu.

Iyẹnrẹ Esiri ri Luk 21:17

ayen buebu che tuoma wẹ fiki rẹ odẹ mẹ.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.