Matiu 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Odẹ rẹ ihwivẹ na kẹ ena, ọ rẹsosuọ Saimọn re se Pita kugbe Andru oniọvo rọye, Jems rẹ ọmọ ri Zẹbidi, kugbe Jọn oniọvo rọye.

Matiu 10:2 Referans Kwoze

Iruo rẹ Iyinkọn na 1:13

Rẹ ayen vwọ ro orere na nu, ayen de yeri egegede na kpo ubruwevwi rẹ obenu na, etiyin kọye Pita vẹ Jọn, Jems vẹ Andru, Phihp vẹ Tọmọs, Batalomio vẹ Matiu, Jems ọmọ rẹ Alfiọs vẹ Saimọn rẹ Zilọt vẹ Judas ọmọ rẹ Jems diare.

Matiu 4:21

Rọ vwọ yan hẹ obaro emerha, ọ da mrẹ iniọvo ivẹ efa, Jems rẹ ọmọ ri Zẹbidi kugbe Jọn rẹ oniọvo rọye, vwẹ evun rẹ okọ kugbe Zẹbidi rẹ ọsẹ rayen re rhuẹrẹ ibriki rayen, o de se ayen.

Iyẹnrẹ Esiri ri Jọn 12:22

Filip yanran ọ da vuẹ Andru; Andru vẹ Filip rhe vrẹn ayen da rhe ta kẹ Jesu.

Iyẹnrẹ Esiri ri Jọn 6:8

Ọvo vwẹ idibo rọye na, Andru, oniọvo ri Saimọn Pita, da ta kẹ,

Iyẹnrẹ Esiri ri Luk 5:10

ọtiọye ji te Jems vẹ Jọn, emọ ri Zẹbidi, rẹ irivẹ ri Saimọn. Jesu da ta kẹ Saimọn, Wọ djẹ oshọ-ọ; kẹ etinẹ yanran ku wo hwe iyeri rẹ ihwo.

Matiu 4:18

Rọ vwọ yan vwẹ orhoma rẹ abadi ri Galili, ọ da mrẹ iniovo ivẹ, Saimọn re se Pita, kugbe Andru rẹ oniọvo rọye ri phiẹ obriki vwẹ evun rẹ abadi, kidie ayen ihwiyeri.

Iyẹnrẹ Esiri ri Luk 11:49

Kọye Aghwanre rẹ Ọghẹnẹ vwọ ta, Mi ji emraro na rhe ayen kugbe iyinkọn ayen hwe ẹvo vwọ ayen mu ẹvo,

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

1 Pita 1:1

Ọbe ri Pita, oyinkọn ri Jesu Kristi, si rhe otu re hẹ imu re hra ro Pọntus, Galesha, kepadosia, Esha, kugbe Bitinia,

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

1 Kọrẹnt 15:7

Ọ ke je vwẹ oma phia kẹ Jems, eriyin ji te iyinkọn na ejobi.

Iruo rẹ Iyinkọn na 12:2

Ọ da vwẹ ọlọkọ nyavwe Jems rẹ oniọvo ri Jọn hwe;

Iruo rẹ Iyinkọn na 3:1

Ọke ọvo ri Pita vẹ Jọn vwọ yanran kpo uwevwi rẹ ẹga na vwẹ ọke rẹ ẹrhovwo, vwẹ unọke rirhiri na.

Iruo rẹ Iyinkọn na 1:26

Ayen de duvwu ite kẹ ayen, itẹ na de mu Matayas; e de vwo mu kugbe iyinkọn uhwọvo na.

Iyẹnrẹ Esiri ri Jọn 21:24

Ọnana hẹ odibo na ro se oseri kpahe imu nana, kọye ri si imu nana; avwanre riẹnre nẹ iseri rọye uyota.

Iyẹnrẹ Esiri ri Jọn 21:20

Pita kuoma rhẹriẹ ọ da mrẹ odibo ri Jesu guọnọre na ro nene ayen, ọ rọ vwẹ oma rẹrẹ udu rọye rẹ ayen vwọ ria emu rẹ ovwọnvwọn na rọ nọrọ nẹ, Ọrovwohwo, ono re cha shẹ wẹ?

Iyẹnrẹ Esiri ri Jọn 21:2

Saimọn Pita, Tọmọs re se Agbava, Nataniẹl ri Kana ri Galili, emo ri Zebedi, kugbe idibo rọye efa da ghwẹ koko.

Iyẹnrẹ Esiri ri Jọn 20:2

Kọye ọ da djẹ, bru Saimọn Pita kugbe odibo ọfa ra, ọvo ri Jesu guọnọre na, ọ da ta kẹ ayen, Ayen mu Ọrovwohwo nẹ evun rẹ ushi na, avwanre rha riẹn asan rẹ ayen muro phihọ-ọ.

Iyẹnrẹ Esiri ri Jọn 13:23

Ọvo vwẹ idibo rọye na, ri Jesu guọnọre, de sherhẹ vwẹ oma rẹrẹ udu ri Jesu;

Iyẹnrẹ Esiri ri Luk 22:14

Ọke rẹ unọke na vwo te, o de tidia imẹjẹ, ọ vẹ iyinkọn na.

Iyẹnrẹ Esiri ri Luk 22:8

Ọtiọye na Jesu de ji Pita kugbe Jọn, tanẹ, Yanran ra rhuẹrẹ ẹwanvrẹn kpahe otọ kẹ avwanre, rere avwanre riọ.

Iyẹnrẹ Esiri ri Luk 9:10

Rẹ ayen vwo rhivwi rhere iyinkọn de gbe ikun rẹ obo rẹ ayen ruru kẹ. Ọ da reyọ ayen o de sioma reyọ kpo orere re se Bẹtsaida.

Iyẹnrẹ Esiri ri Mak 13:3

Ro vwo tidia enu rẹ ugbenu rẹ Oliv hirhe aro ku uwevwi rẹ ẹga na, Pita, kugbe Jems kugbe Jọn vẹ Andru da nọ vwẹ odjahọ,

Iyẹnrẹ Esiri ri Mak 1:29

Siẹvuọvo na o de vrẹn nẹ Sinagọg na, ọ da vwẹriẹ uwevwi ri Saimọn vẹ Andru kugbe Jems vẹ Jọn.

Matiu 26:37

Ọ da reyọ Pita kugbe emọ ri Zẹbidi ivẹ, o de vwerhi gangan.

Matiu 20:20

Etiyin oni rẹ emọ ri Zẹbidi kugbe emọ rọye ivẹ de bro rhe, rẹ ayen vwo yere nu, ọ da nọ ekpẹn rẹ emu ọvo.

Matiu 17:1

Rẹ ẹdẹ esan vwọ wan nu, Jesu da reyọ Pita, kugbe Jems, kugbe Jọn rẹ oniọvo rọye, ọ da vwẹ ayen rhe enu rẹ ugbenu ọvo ro kpenu.

Ẹvwọphia 22:8

Mẹvwẹ ri Jọn hẹ ohwo ro nyori rọ je mrẹ imu nana. Ọke ri mi vwo nyo re me vwọ mrẹ ayen, mi de she diguẹ me da gọ vwẹ asan awọ rẹ amakashe rọ vwẹ ayen nẹ vwẹ na;

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

3 Jọn 1:1

Ọkpako na ri si ọbe na rhe Gayọs rọ ghare, re me guọnọre vwẹ ọ rẹ uyota.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Iyẹnrẹ Esiri ri Mak 6:30

Ikọn na de rhivwi rhe ayen de gbe ikun rẹ obo rẹ ayen ruru kugbe obo rẹ ayen yonori ejobi kẹ.

Iyẹnrẹ Esiri ri Jọn 6:67

Jesu da ta kẹ ihwivẹ na, Ovwan je yanran rhe?

Iyẹnrẹ Esiri ri Jọn 6:70

Jesu da kpahe kẹ ayen, Ọ dia ihwivẹ rẹ ovwan me sanọre-e, ọvo vwẹ usun rẹ ovwan na kẹ idẹbono?

Iyẹnrẹ Esiri ri Jọn 6:71

Ọ ta ota kpahe Judas ọmọ ri Saimọn Iskariọt, kidie ọye, ọvo vwẹ ihwivẹ na, rọ cha shẹ.