Matiu 10:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ohwo kohwo rọ reyọ ovwa-an, ro nyo ota rẹ ovwa-an, we de nẹ uwevwi yena eyẹ orere na, we phorho ekpẹn re tamu awọ rẹ ovwan phihọ otọ.

Matiu 10:14 Referans Kwoze

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Nehemaya 5:13

Mi de ji tuetue ishamwa me, me da ta, Ọtiọye Ọghẹnẹ ji tuetue kohwo kohwo nẹ uwevwi rọye, kugbe iruo rọ e ro je ive rọye ẹyọnrọn. Kẹ ọtiọye e ji tuetue kufia ro dia ofefe. Ọghwẹgbe na ejobi da tanẹ, Isẹ. Ayen de jiri Ọghẹnẹ, ihwo na de ru kirobo rẹ ayen veri.

Iruo rẹ Iyinkọn na 13:51

Ẹkẹvuọvo ayen de phorho ekpẹn rẹ awọ rayen vwọ hẹ otọ kẹ ayen, ayen da yanran kpo Aikoniọm.

Iyẹnrẹ Esiri ri Luk 9:5

Asan kasan rọ reyọ ovwa-an, we de nẹ orere na phorho ekpẹn rẹ awọ rẹ ovwan phihọ otọ rọ dia iseri kẹ ayen.

Iyẹnrẹ Esiri ri Mak 6:11

Kasan kasan rọ reyọ ovwa-an, re ayen gbi nyo ọ rẹ ovwa-an, ọke rẹ ovwan de nẹ etiyin na, ovwan mi phorho ekpẹn rẹ awọ rẹ ovwan phihọ otọ rere ọ dia iseri kẹ ayen.

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

Iyẹnrẹ Esiri ri Jọn 13:20

Uyota, uyota, me ta kẹ ovwan, ohwo kohwo rọ reyọ ọvo ri mi ji rhe na yọ reyọ ovwẹ; ọ rọ reyọ ovwẹ reyọ ọ ro ji vwe rhe.

Iyẹnrẹ Esiri ri Mak 9:37

Ohwo kohwo rọ reyọ omotete tiọnana vwẹ odẹ mẹ, yẹ ọ reyọ ovwẹ, kohwo kohwo rọ reyọ ovwẹ, ọ reyọ ovwẹ-ẹ, ẹkẹvuọvo ọ ro ji vwe rhe.

Matiu 18:5

Ohwo kohwo rọ reyọ omotete tiọnana vwẹ odẹ mẹ yọ reyọ ovwẹ.

Iyẹnrẹ Esiri ri Luk 9:48

ọ da ta kẹ ayen, Kohwo kohwo rọ reyọ omotete tiọna vwẹ odẹ mẹ yọ reyọ ovwẹ, kohwo kohwo rọ reyọ ovwẹ yọ reyọ ọ ro ji vwe rhe; kidie ohwo rọ ma havwe vwẹ ohri rẹ ovwan ejobi ọye re cha ma rho.

Matiu 10:13

Ọ da dia uwevwi ro fori, ufuoma rẹ ovwan kọ dajo. O rhe fo-o, ufuoma rẹ ovwan ko rhivwi bru ovwan rhe.