Matiu 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Enana ejobi rhe phia, rere emu na ejobi vwọ gba, rẹ Ọrovwohwo wan unu rẹ emraro rọye ta:

Matiu 1:22 Referans Kwoze

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

Matiu 2:23

Ọ da ra dia Nazarẹt, rere ota rẹ ọmraro na tare vwọ mrasan sẹ nẹ, e che se ohwo ri Nazarẹt.

1 Ivie 8:15

ọ da ta, Ebruba kẹ Ọrovwohwo, Ọghẹnẹ rẹ Izrẹl, rọ vwẹ obọ rọye ru ive rọ vwẹ unu rọye ve kẹ Devid ọsẹ mẹ gba, tanẹ,

Iruo rẹ Iyinkọn na 3:18

Ẹkẹvuọvo obo rẹ Ọghẹnẹ wan unu rẹ emraro na ejobi ta phihọ otọ jovwo nẹ Kristi rọye cah re oja na, ọye ọ ru gba na.

1 Ivie 8:24

rọ yọnrọn ive ro ve kẹ odibo rọye Devid ọsẹ mẹ, uyota, wọ vwẹ ugbunu wẹn vwọ ta nu, wọ da rhe vwẹ obọ ruo gba nonẹ na.

Iyẹnrẹ Esiri ri Jọn 18:9

Ọnana ọ tare rere ota rọ tare na vwọ gba, Usun rẹ ihwo ru wọ vwọ kẹ vwẹ na ọvuọvo va vwẹ abọ ghwru-u.

Matiu 13:35

Rere ota rẹ ọmraro na tare vwọ gba nẹ, Ki mi rhie unu mẹ vwo kpe itẹ; Eta re djahere nẹ ẹtuọhọ rẹ akpọ na rhe, keye me cha ta.

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Iyẹnrẹ Esiri ri Jọn 15:25

Ọnana ruru rere ota re si phihọ urhi rayen na vwọ gba, Ayen di tuoma mẹ ekueku.

Iyẹnrẹ Esiri ri Jọn 10:35

Ọ de se ayen edjọ ihwo rẹ ota rẹ Ọghẹnẹ bru rhe je se miovwi ọbe ọfuanfon na-a.

Matiu 13:21

Ẹkẹvuọvo ayen ghwa riẹn otọ rọye-e, o rhi vwo kri emerha, ọdavwini vẹ ukpokpogho vwọ rhe ayen de she.

Matiu 12:17

Rẹ obo rẹ Aizaya mraro na vwọ mrasan gba rọ tare nẹ,

Matiu 2:15

Oboyi kọye ayen diare rhiri bẹsiẹ ri Hẹrọd vwo ghwu; rere ota rẹ omrarọ na tare vwọ gba, ra tare nẹ, Evun rẹ Ijipt mi de se ọmọ mẹ.

Matiu 8:17

Rere aroẹmrẹ rẹ Aizaya vwọ mrasan gba, ro ta nẹ, Ọye mu odjadja vẹ emiavwe rẹ avwanre ghwa.

Matiu 5:17

We roro nẹ me rhere rhe guọghọ irhi na eyẹ iruo rẹ emraro na-a, me rhere guọghọ-ọ, ẹkẹvuọvo mi rhi ru ayen gba.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Ẹvwọphia 17:17

kidie Ọghẹnẹ phiro phihọ udu rayen rere ayen vwo ru iroro rọye kọye ayen vwọ dia iroro ọvo rẹ ayen vwọ vwẹ ogangan rẹ ovie rayen vwọ kẹ eranvwe na, bẹsiẹ rẹ ota rẹ Ọghẹnẹ vwọ gba.

Ọbe ri Pọl si rhe Ihwo ri Rom 1:2

ro veri jovwo vwẹ unu rẹ emraro rọye vwẹ evun rẹ ẹbe efuanfon na.