Matiu 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

Matiu 1:21 Referans Kwoze

Iruo rẹ Iyinkọn na 13:23

Ẹkuoma rẹ uvwiẹ rẹ ohwo nana, ọye Ọghẹnẹ wan vwẹ osivwi ọvo kẹ Izrẹl, Jesu, kirobo ro veri.

Iruo rẹ Iyinkọn na 4:12

Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

1 Jọn 3:5

Yẹ ovwan riẹnre nẹ ọ rhere rere ọ rhe ghwẹ imwemwu kufia, ye kaka umwemwu rhere-e.

Iyẹnrẹ Esiri ri Luk 2:21

Ọke rẹ ẹdẹ ẹrenre vwọ gba nu, rẹ ẹdẹ oyanvwe rọye, e de mu odẹ kẹ Jesu, kirobo rẹ emakashe na sere kẹ tavwe ra ke mrevun rọye.

Iruo rẹ Iyinkọn na 5:31

Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu.

Iyẹnrẹ Esiri ri Luk 1:31

Nighe, wọ cha mrevun ku wo che vwiẹ ọmọshare, ku wo se odẹ rọye Jesu.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jẹnẹsis 18:10

Ọ da ta, Uyota Me cha rhoma rhe vwẹ asan evwru, Sera rẹ aye wẹn na che vwiẹ ọmọshare. Yi Sera ra kerhọ vwẹ anurhoro rẹ utughẹ na

Iyẹnrẹ Esiri ri Luk 1:13

Ẹkẹvuọvo amakashe na da ta kẹ, Zakaraya wọ djẹ oshọ-ọ, kidie enyo ẹrhovwo wẹn, aye wẹn Flizabẹt che vwiẹ ọmọshare, ku wo se odẹ rọye Jọn.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 17:21

Ẹkẹvuọvo Aizik ọye ọphọ mẹ cha sẹ nene, ri Sera che vwiẹ kẹ vwẹ eghẹre ọtiọnana ukpe ọfa.

Iguẹdjọ 13:3

Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

1 Samuẹl 1:20

vwẹ emerha Hanah da mrevun o de vwiẹ ọmọshare, o de se odẹ rọye Samuẹl, kidie ọ tare, Me nọ ekpẹn rọye mie Ọrovwohwo.

Matiu 1:25

Ayen ivẹ na mroma tavwe re ki vwiẹ ọmọ na-a; o de se odẹ roye Jesu.

Iyẹnrẹ Esiri ri Jọn 4:42

Ayen da ta kẹ aye na, Ọ gbe dianẹ fiki rẹ ota wẹn ọvo avwanre vwo segbuyota-a, kidie avwanre vwẹ erhọn rẹ avwanre nyo rhe, avwanre gbine riẹn vwẹ ọ rẹ uyota nẹ ọnana hẹ Osivwi rẹ akpọ na.