Matiu 1:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Matiu 1:20 Referans Kwoze

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Matiu 1:18

Asakiephana enẹ e vwiẹ Kristi wan. Ọke ri Josẹf vwọ sa Meri rẹ oni ri Jesu phihọ otọ, yẹ ayen je rhe mroma-a, Meri da rhe mrevun rẹ Erhi Ọfuanfon;

Matiu 2:19

Ẹkẹvuọvo ọke ri Herọd rhi vwo ghwu nu, amakashe rẹ Ọghẹnẹ da vwẹ oma phia kẹ Josẹf vwẹ evwerhẹ vwẹ Ijipt nẹ,

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Iyẹnrẹ Esiri ri Luk 2:4

Josẹf de nẹ Nazaret ri Galili rhe, kpo Bẹtlẹhẹm, orere ri Devid, rọ hẹ obi Judia, fikiridie ekpuyovwi rọye ohwo rẹ uwevwi kugbe orua ri Devid,

Matiu 28:5

Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Iguẹdjọ 13:3

Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

Jẹnẹsis 31:11

Etiyin amakashe rẹ Ọghẹnẹ da ta kẹ vwẹ vwẹ evwerhẹ na, Jekọp, mi de nyo nẹ, Mẹvwẹ na.

Matiu 2:22

Ẹkẹvuọvo ro vwo nyo nẹ Akiẹlus ọ ria vwẹ ẹdia ri Herọd ọsẹ rọye, osho ro vwo kpo oboyi de muo; vwẹ oka rẹ Ọghẹnẹ vwọ phia kẹ vwẹ evwerhẹ, o de kpo Galili.

Une rẹ Ejiro 143:8

Jẹn uvwe nyo ẹguọnọ wẹn ro jẹ rhẹriẹ na vwẹ irhiọke, kidie wẹ me vwẹ ẹro so. Yono uvwe idjerhe re me ra, kidie wẹ me kpare ẹnwẹ mẹ ni.

Une rẹ Ejiro 119:125

Mẹvwẹ odibo wẹn, kẹ vwẹ ẹruọ, rere me vwọ riẹn iseri wẹn na!

Une rẹ Ejiro 94:19

Ọke rẹ enwan rẹ udu mẹ de rhi buphihọ, uchebro wẹn kọye sasa ẹnwẹ mẹ.

Matiu 2:13

Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Isẹ 12:5

Iroro rẹ ọvwata ọsoso ọ dia, iroro rẹ ọvwozighi ọ vẹ ọghware.

1 Ivie 17:13

Ilaija da ta kẹ, Wọ djẹ oshọ-ọ; yanran wo re ru kirobo wọ tare na; ẹkẹvuọvo ẹsosuọ kẹ bru ẹkẹn mẹ wo vwo rhe vwe tavwe, kẹsiẹye wo ki bru te oma wẹn vẹ ọmọ wẹn.

Jerimaya 40:9

Gedalaya ọmọ rẹ Ahikam, ọmọ ri Shafan, de ve kẹ ayen vẹ ihwo rayen, tanẹ, Wa djẹ oshọ rẹ ovwan vwọ ga ihwo ri Kaldia na-a. Wa dia otọ na, re wa ga ovie ri Babilọn, kọ che yovwẹ kẹ ovwan.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Aizaya 51:7

Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Jẹnẹsis 46:3

Etiyin ọ da ta, Mẹvwẹ Ọghẹnẹ, Ọghẹnẹ rẹ ọsẹ wẹn, wọ djẹ oshọ ri wo vwo kpo Ijipt na-a, kidie Me dia oboyin ru we phihọ ẹgborho rode.

Aizaya 7:2

Ọke ra vwọ ta kẹ uwevwi ri Devid nẹ, Siria vẹ Ifrem kuoma kugbe, udu rọye kugbe udu re ihwo rọye de kpogho kẹre irhe rẹ egbo rẹ odju kpogho.

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

1 Ivie 3:5

Vwi Gibeọn Ọrovwohwo da vwẹ oma phia kẹ Solomọn vwẹ evwerhẹ, vwẹ ason; Ọghẹnẹ da ta, Nọ obo re me vwọ kẹ wẹ.

Matiu 2:12

Rẹ Ọghẹnẹ vwọ kpokpa kẹ ayen vwẹ evwerhẹ nẹ ayen rhivwi bru Herọd ra-a, ayen da wan idjerhe ọfa kpo.

Matiu 27:19

Ro vwo tidia vwẹ asan re de brorhiẹ, aye rọye de ji ohwo ra vuẹ nẹ, Wo brorhiẹ hwe ọvwata na-a; Kidie me vwerhẹ evwerhẹ kpahọ buebu vwẹ ason na.

Iruo rẹ Iyinkọn na 5:19

Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ,

Ẹvwọphia 19:7

E jẹn avwanre ghọghọ re a kparọ kpenu ra vwẹ urinrin kẹ, kidie orọvwe rẹ Omogodẹ na tere, Ọpha rọye choma rọye nure;