Matiu 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Josẹf rẹ oshare rọye na, da dia omamọ rẹ ohwo, ọ gbe guọnọ phọphọ-ọ, ẹkẹvuọvo ọ da guọnọ nẹ ọye bẹbẹ siobọ no.

Matiu 1:19 Referans Kwoze

Iyẹnrẹ Esiri ri Luk 2:25

Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye.

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Jẹnẹsis 38:24

Kirẹ emeranvwe erha ka rhe ta ki Juda nẹ, Tamar rẹ aye rẹ ọmọ wẹn gbe igberadja; kidie ọ wan igberadja na mrevun Juda da ta, Reyọ rhe rere a torhẹ hwe.

Iyẹnrẹ Esiri ri Mak 10:4

Ayen da ta, Mosis rhọvwere nẹ e si ọbe rẹ obọesiono, re e siobọ no,

Livitikọs 19:20

Ọshare de re nene ọviẹn rẹ aye vwerhẹ, ọ da dianẹ a san ọviẹn na phihọ otọ jovwo ra je tan hirhe ne ọviẹn na-a, ka nabọ guọnọ otọ rọye. Fikirobo rẹ aye na vwọ dia ọviẹn na, e rhe hwe aye-en;

Jẹnẹsis 6:9

Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Urhi Rivẹ 22:20

Ẹkẹvuọvo emu na da dia uyota nẹ a mrẹ ọghọ vwẹ oma rẹ ọmọtẹ na-a,

Iruo rẹ Iyinkọn na 27:39

Rẹ ọke rhi vwo rhie, ayen gbi vughe otọ na-a, ẹkẹvuọvo ẹro rẹ ayen da kpo asan ro siuvun vwẹ erhuru na, kọye ayen jẹ iroro kpahe nẹ ayen che bi oko na vwara.

2 Kọrẹnt 1:15

Fikiridie re ọnana vwọ mu vwẹ erọ na, me da guọnọ ke bru ovwan rhe jovwo, rere omavwerhovwẹ rẹ ovwan vwo dia ivẹ.