Malakae 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Malakae 4:2 Referans Kwoze

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Iyẹnrẹ Esiri ri Luk 1:78

fiki rẹ arodọvwẹ rẹ Ọghẹnẹ rẹ avwanre, ọye Isio rẹ Urhiọke vwo nẹ enu bru avwanre rhe

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Aizaya 53:5

Ẹkẹvuọvo a wanrọ oma fiki rẹ ogbeku rẹ avwanre, e bobiro oma fiki rẹ orukuruku rẹ avwanre, ophiaphie ro ru avwanre fon na ọye a vwọ fa, ophiaphie na keye e vwo sivwi avwanre.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Iyẹnrẹ Esiri ri Jọn 1:4

Oma rọye arhọ epha, arhọ na kọye hẹ urhukpẹ rẹ ihwo.

2 Samuẹl 23:4

Kọ bẹrẹ mu ayen kerẹ uvo rẹ irhiọke, Kerẹ ọnre ro lo muẹ enu ro pheri vwẹ irhiọke kerẹ osio rọ nẹrhẹ odi djẹ nẹ otọ cha.

Ẹvwọphia 22:2

wan uherevie rẹ urhuvwu rẹ orere na; vwẹ obọ nana vẹ obọ yena rẹ urhie na, urhe rẹ arhọ na da je djẹ vwọ ọ vẹ oka rẹ ibi ihwivẹ, rọ mọ emamọ rọye kemeranvwe kemeranvwe; ẹbe rẹ urhe na kọye e vwo sivwi ẹgborho na.

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.

Ẹvwọphia 2:28

ke me vwẹ isio rẹ irhiọke kẹ.

Une rẹ Ejiro 147:3

O sivwẹ ohwo rẹ udu rọye vwirhiri, ọ gba era rayen.

Une rẹ Ejiro 103:3

ọ rọ vwẹ orukuruku wẹn vwo ghovwo uwe, ọ ro sivwi ọga wẹn ejobi,

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Aizaya 35:6

Etiyin ukpono ko pho kerẹ uzo, ẹrenvwe ro diunu kọ so ine rẹ aghọghọ. Kidie ame cha varhe vwẹ evun rẹ aghwa, ito ke cha djẹ nẹ aton rhe,

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iruo rẹ Iyinkọn na 13:47

Kidie ọtiọye Ọrovwohwo ta kẹ avwanre nẹ, Me vwẹ ovwan rhu kerẹ urhukpẹ kẹ ihwo ri Keferi na, rere ovwan vwọ ghwa esivwo kpo oba rẹ akpọ na.

Iyẹnrẹ Esiri ri Jọn 9:4

Avwanre se ru iruo rẹ ohwo ro ji vwe rhe, rẹ ọke vwọ herọ na; ason cha, rẹ ohwo de jẹ iruo eruo.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Izikiẹl 47:12

Vwẹ orhoma rọye na, vwẹ abọ nana vẹ abọ rivẹ rẹ urhie na, oka rẹ irhe buebu ra ria ke djẹ vwọ. Ẹbe rayen gbi vwioro-o eyẹ ibi rayen gbe kpare she-e, ẹkẹvuọvo ke mọ ibi ekpokpọ kemeranvwe kemeranvwe, fikiridie ame rẹ ayen da na obo ẹshẹ ọ djẹ nẹcha. Ibi rayen ke dia emuọre ẹbe rayen ke dia umwu.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Une rẹ Ejiro 67:1

E jẹn Ọghẹnẹ nẹ arodọvwẹ rẹ avwanre re o bruphihọ kẹ avwanre ro ru opharo rọye lo mu avwanre,

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

1 Jọn 2:8

Yẹ urhi ọkpokpọ mi siẹ rhe ovwan na, rọ hẹ uyota vwẹ oma rọye kugbe evun rẹ ovwan, fikiridie ebri na ra wanvrẹn re yẹ urhukpẹ rẹ uyota na hiro lo re.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:8

Ọ dia ọye hẹ urhukpẹ na-a, ẹkẹvuọvo ọ rhere rhi se oseri kẹ urhukpẹ na.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Iyẹnrẹ Esiri ri Luk 1:50

Arodọvwẹ rọye herọ kẹ otu re djẹ oshọ rọye nẹ uvwiẹ re te uvwiẹ.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Iruo rẹ Iyinkọn na 13:26

Imoni, emọ rẹ uvwiẹ rẹ Ebraham, kugbe ovwan rẹ djẹ oshọ rẹ Ọghẹnẹ avwanre a vuẹ ovuẹ rẹ esivwo nana rhe.

Iyẹnrẹ Esiri ri Jọn 12:40

Orhurhu ẹro rayen o de ru udu rayen gan, ayen da vwẹ ẹro rayen mrẹ orẹ ayen da vwẹ udu rẹ ayen vughe, ayen de kurhẹriẹ e de sivwi ayen.

Une rẹ Ejiro 61:5

Kidie wẹ, E Ọghẹnẹ, ri nyo ive mẹ, we re kẹ vwẹ ughwẹ rẹ ihwo re djẹ oshọ wẹn.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!