Malakae 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kẹsiẹye ẹkpẹvwẹ ri Juda vẹ ọ ri Jerusalẹm ke vwerhe Ọrovwohwo na kirobo rọ dia vwẹ ọke rẹ awanre vẹ ọke rẹ ẹsosuọ.

Malakae 3:4 Referans Kwoze

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Une rẹ Ejiro 51:19

Kẹsiẹye izobo re ọsoso ke vwẹrhe owẹ oma, izobo ẹtorhẹ kugbe ekru rẹ izobo ẹtorhẹ; Tavwe a ke vwẹ irhuẹn gọ wẹ vwẹ enu rẹ ẹshẹ wẹn.

2 Ikun rẹ Ivie 1:6

Etiyin Solomọn da yanran kpo obo agbada rẹ ẹrovwo rẹ Ọrovwohwo na, rọ hẹ obo utughẹ ra da vwa oma na, o de ze izobo uriori vwẹ enu rọye.

1 Ikun rẹ Ivie 21:26

Devid da so agbada phihọ etiyin kẹ Ọrovwohwo o de ze izobo rẹ ẹtorhẹ vẹ izobo rẹ ufuoma, o de se odẹ rẹ Ọrovwohwo, ọ da vwẹ erhanre nyo nẹ obo odjuvwu rhe vwẹ enu rẹ agbada rẹ izobo ẹtorhẹ na.

1 Ikun rẹ Ivie 15:26

Fikirobo rẹ Ọghẹnẹ vwọ cha ihwo ri Livae na ri mu ekpeti rẹ ọphọ rẹ Ọrovwohwo na uko, ayen da vwẹ irhuẹn ighwrẹ vẹ egbo ighwrẹ vwo ze izobo.

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a