Malakae 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kọye wọ cha vwọ riẹn nẹ mi jẹ urhi nana kẹ wẹ, rere ọphọ re me vẹ Lẹvi rere vwọ sẹ, enẹ Ọrovwohwo rẹ otuofovwi na tare.

Malakae 2:4 Referans Kwoze

Ukeri 3:12

Nighere, me reyọ ihwo ri Livae nẹ uherevie rẹ ihwo rẹ Izrẹl nẹ e dia ẹdia rẹ ewanra re bẹrẹ urhoro rẹ ihwo rẹ Izrẹl na. Ihwo ri Livae na ke dia emẹ,

Izikiẹl 38:23

Ọtiọye ke me cha vwẹ ọrho mẹ vẹ ẹfuọn mẹ phia ra da riẹn vwẹ vwẹ irharo rẹ ẹgborho buebu. Etiyin ayen ke cha riẹn nẹ mẹvwẹ Ọrovwohwo na.

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Jerimaya 28:9

Yẹ ọmraro rọ mraro rẹ ufuoma, ọke rẹ ota rẹ ọmraro yena de ghine ru gba, ke vughe nẹ Ọrovwohwo ghine ji ọmraro na.

Iyẹnrẹ Esiri ri Luk 10:11

Vwevwe rẹ iwurhie re tamu awọ rẹ avwanre, me phorho ayen kẹ ovwan; ọtiọye na ovwan gba riẹn ọnana nẹ, uvie rẹ Ọghẹnẹ te ovwan oma nure.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Nehemaya 13:29

Karohọ ayen, E Ọghẹnẹ mẹ fikiridie ayen gbẹ uvwiẹ rẹ irherẹn ẹgua kugbe ọphọ re irherẹn kugbe ihwo ri Livae.

1 Ivie 22:25

Maikaya da ta, Nighe, wọ cha mrẹ vwẹ ẹdẹ yena ru wọ da cha djẹ ro uvun re sioma wẹn nu.

Izikiẹl 33:33

Ọke rẹ ọnana da rhe–o che jẹ cha-a. Etiyin kẹ ayen cha riẹn nẹ ọmraro je hẹ ohri rẹ ayen jovwo re.

Ukeri 3:45

Reyọ ihwo ri Livae na phihọ ẹdia rẹ ewanra vwẹ ohri rẹ ihwo rẹ Izrẹl na kugbe uchuru rẹ ihwo ri Livae na phihọ ẹdia rẹ eranvwe rayen; okpuyovwi rẹ ihwo ri Livae ke dia emẹ: Mẹvwẹ ọye Ọrovwohwo.

Ukeri 3:11

Etiyin Ọrovwohwo da ta kẹ Mosis.

Ukeri 18:21

Vwọ kẹ ihwo ri Livae, me vwẹ ẹkẹn ihwe rẹ Izrẹl na ejobi vwọ ke ayen, vwọ riuku, kọye re dia osa rẹ iruo rayen ruẹ, iruo rayen vwẹ utughẹ ra da vwa oma na.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Ukeri 18:2

Wọ me je reyọ imoni wẹn vwọ ba oma rhe, orua ri Livae, orua rẹ ọsẹ wẹn rere ayen vwẹ oma ba wẹ, re gbe odibo kẹ wẹ vwẹ ọke re owẹ vẹ emeshare wẹn kugbe uwe da obaro rẹ utughẹ rẹ iseri na.

Ukeri 25:12

Fiki rẹ ọtiọye na gba ta, Nighere, me vwẹ ọphọ mẹ rẹ ufuoma vwọ kẹ;

Izikiẹl 44:7

re ovwan vwọ reyọ erhorha, ri jẹyavwọ vwẹ udu vẹ oma, nẹ e ro ẹshẹ mẹ na, ri gbe ẹgua, vwẹ ọke ru wọ da vwẹ emuọre mẹ vwo ze izobo kẹ vwẹ, ivwri kugbe ọbara. We miovwo ọphọ mẹ vẹ ẹgua egbe rẹ ovwan.