Livitikọs 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ko hwe erhuẹn ọshare na vwẹ obaro rẹ Ọrovwohwo na, emeshare re Erọn rẹ irherẹn na ke vwẹ ọbara rọye vwọ nẹ, ayen mi ku ọbara na riariẹ agbada rẹ izobo na ejobi rọ unu rẹ ẹchẹ rẹ utughẹ ra da vwa oma na.

Livitikọs 1:5 Referans Kwoze

Livitikọs 3:8

ọ Me ghwẹ obọ rọye kpahe uyovwi rẹ izobo na o mi hwe vwẹ obaro rẹ utughẹ ra da vwa oma na, emọ re Erọn mi ku ọbara rọye ku agbada na ejobi riariẹ,

Livitikọs 1:11

O mi hwe vwẹ ẹbẹre rẹ obọrhe rẹ agbada re de ze izobo na vwẹ obaro rẹ Ọrovwohwo, emọ rẹ Erọn rẹ irherẹn na ki ku ọbara rọye ku agbada na ejobi riariẹ.

Livitikọs 3:2

Ọ Me ghwe obọ rọye kpahe uyovwi rẹ eranvwe na, o mi hwe vwe anurhoro rẹ utughẹ re a da vwa oma na; emọ re Erọn rẹ irherẹn na ki ku ọbara rọye riariẹ agbada na phihọ.

1 Pita 1:2

re dia ajẹreyọ rẹ Ọghẹnẹ Ọsẹ na rẹ Erhi na ru fon vwẹ ọghemuo kẹ Jesu Kristi kugbe ọbara rọye ra fẹrẹ kuo. E jẹ ẹserọphẹ kugbe ufuoma bu phihọ kẹ ovwan.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

2 Ikun rẹ Ivie 35:11

Ayen de hwe omogodẹ rẹ ẹwanvrẹn na, irherẹn na da fẹnrẹn ọbara ro hwẹ no rhe ku, yẹ ihwo ri Livae na bọrọn ophiẹ rẹ eranvwe na.

Livitikọs 3:13

ọ Me ghwẹ obọ rọye kpahe uyovwi rọye, o mi hwe vwẹ obaro rẹ utughẹ ra da vwa oma na; emọ re Erọn mi ku ọbara rọye riariẹ agbada na phihọ.

Ẹyano 29:16

wo mi hwe egbo na, wọ me kpare ọbara rọye ku kuẹ agbada na yariẹ.

Hibru 10:11

Orherẹn korherẹn muẹdia kọke kọke vwẹ enu rẹ ẹga rọye, rọ vwariẹ iye ọvuọvo na gọ, yọ sa ghwẹ imwemwu nẹ-ẹ.

Maika 6:6

Ki didi emu me ghwa bru Ọrovwohwo rhe, re mi rhi diguẹ vwẹ obaro rẹ Ọghẹnẹ rọ he obenu? Ke izobo rẹ ẹtorhẹ me ghwa bro rhe, vẹ upene rẹ erhuẹn rẹ ẹgbukpe?

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Aizaya 52:15

eriyin ko gbe buebu unu; ivie ki rhurhu unu fiki rọye, kidie obo ra je ta kẹ aye-en kọye ayen cha mrẹ, obo rẹ ayen ji nyo jovwo-o, kẹ ayen cha mrẹ vughe.

Ukeri 18:17

Ẹkẹvuọvo ọmọ rẹ ẹsosuọ rẹ erhuẹn yerẹ ogegede yerẹ ẹvwe, wọ tan eyena-a eyena fonro. Wọ me fẹrẹ ọbara rayen ku agbada na, ku wọ torhẹ ivwiri rayen kerẹ izobo ra vwẹ erhanre torhẹ re gbo ọnrhẹn ororo kẹ Ọrovwohwo.

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

Livitikọs 1:15

Orherẹn na Me reyọ rhe asan agbada rẹ izobo na ọ Me chahe ohọre rọye bru, ọ Me torhẹ vwẹ enu rẹ agbada na; e mi ku ọbara rọye phihọ akakọ rẹ agbada na,

Ẹyano 29:11

ku wo hwe erhuẹn na vwẹ obaro rẹ Ọrovwohwo, vwẹ oma rẹ anurhoro rẹ utughẹ ra da vwa oma na,

Livitikọs 4:29

Ọ Me ghwe obọ rọye kpahe uyovwi rẹ eranvwe na o mi hwe vwẹ asan ra da torhẹ izobo na.

Livitikọs 4:33

Ọ Me ghwe obọ rọye kpahe uyovwi rẹ izobo rẹ umwemwu na, o mi hwe vwo ze izobo fiki rẹ umwemwu vwẹ asan re de hwe eranvwe ra vwọ torhẹ izobo na.

Livitikọs 17:11

Kidie arhọ rẹ oma na evun rẹ ọbara na ọ epha, Me ke rha reyọ kẹ ovwan vwẹ enu rẹ agbada rẹ ẹga na rere a vwọ gọ ẹgua nẹ ovwan oma, kidie ọbara na ọye si ẹgua nẹ ohwo oma, fiki rẹ arhọ rọ evun rọye.

1 Samuẹl 1:25

Etiyin ayen de hwe erhuẹn ọshare na, ayen da vwẹ ọmọ na vwo rhe Eli.

Izikiẹl 43:18

Ọ da ta kẹ vwẹ, Ọmọ rẹ ohwo, e nẹ Ọrovwohwo Ọghẹnẹ tare Enana eye iji rẹ agbada na vwẹ ẹdẹ ra da tọn phihọ kẹ izọbo rẹ ẹtorhẹ vwẹ enu rọye kugbe ọbara re miri kuo,

Ẹyano 40:6

Wo mi phi agbada rẹ izobo rẹ ẹtorhẹ phihọ obaro rẹ anurhoro rẹ ọgarivi rẹ utughẹ ra da vwa oma na.

Livitikọs 4:7

Orherẹn na mi phi ọbara na phihọ ighoro rẹ agbada rẹ ugboduma ro gbo ọnrhe ororo vwẹ obaro rẹ Ọrovwohwo na, rọ hẹ evun rẹ utughẹ ra da vwa oma na, ọbara ro chekọ ejobi ke kuo phihọ awọ re agbada re izobo re ẹtorhẹ na rọ unurhoro re utughẹ ra da vwa oma na.