Livitikọs 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ohwo na Me ghwẹ obọ rọye kpahe uyovwi rẹ eranvwe ra cha torhẹ na, ka reyọ fiki rọye re a vwọ ghwa imwemwu rọye nu.

Livitikọs 1:4 Referans Kwoze

Livitikọs 4:26

Ọ Me torhẹ ivwri rọye ejobi vwẹ enu rẹ agbada na, kirobo re ruẹ ivwri re vwo ze izobo rẹ ufuoma; ọtiọye na orherẹn na Me rhuẹrẹ arhuẹrẹ fiki rẹ imwemwu rọye, ke vwo ghovwo.

Livitikọs 4:20

Ọtiọye o ji ru erhuẹn rẹ ọshare na; kirobo ro ruẹ erhuẹn rẹ izobo rẹ umwemwu na ọtiọye o ji ru Ọnana rhe; Orherẹn na kọ gọ ẹgua na nẹ ayen ejobi oma, kẹ ayen vwo evworhovwo.

Livitikọs 3:8

ọ Me ghwẹ obọ rọye kpahe uyovwi rẹ izobo na o mi hwe vwẹ obaro rẹ utughẹ ra da vwa oma na, emọ re Erọn mi ku ọbara rọye ku agbada na ejobi riariẹ,

Livitikọs 3:2

Ọ Me ghwe obọ rọye kpahe uyovwi rẹ eranvwe na, o mi hwe vwe anurhoro rẹ utughẹ re a da vwa oma na; emọ re Erọn rẹ irherẹn na ki ku ọbara rọye riariẹ agbada na phihọ.

Ẹyano 29:15

Wọ me rọye egbo na ọvo; Erọn vẹ emeshare rọye me ghwẹ abọ rayen kpahe uyovwi rẹ egbo na,

Ẹyano 29:10

Etiyin wọ ke reyọ erhuẹn na rhe anurhoro rẹ utughẹ ra da vwa oma na. Erọn vẹ emọ rọye ke ghwẹ abọ rayen kpahe uyovwi rẹ erhuẹn na,

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Ẹyano 29:19

Wọ me rha rọye egbo rivẹ; Erọn vẹ emeshare rọye me ghwẹ abọ rayen kpahe uyovwi rẹ egbo na,

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Ukeri 15:25

Orherẹn na kọ gọ ẹgua nẹ ukoko rẹ ihwo rẹ Izrẹl na ejobi, ko vwo ghovwo ayen; fikiridie ọ chọ ayen obọ, kẹ ayen reyọ izobo rẹ ayen rhe, izobo rẹ ẹtorhẹ kẹ Ọrovwohwo, kugbe izobo rẹ umwemwu vwẹ obaro rẹ Ọrovwohwo na, fiki rẹ oruchọ rayen.

Livitikọs 16:24

Ọ Me ra họ oma rọye vwẹ evun rẹ ame vwẹ asan ọfuanfon na, o mi ku iwun rọye phihọ oma, ọ Me yan phia, re ze izobo rọye rẹ ẹtorhẹ kugbe izobo rẹ ẹtorhẹ rẹ ihwo na, ọ Me rhuẹrẹ arhuẹrẹ kẹ oma rọye kugbe ihwo na.

Livitikọs 16:21

Erọn Me ghwẹ abọ ivẹ kpahe uyovwi rẹ ẹvwe ọkpokpọ na, Ọ Me rhọvwe imwemwu rẹ ihwo rẹ Izrẹl ejobi, phihọ uyovwi rẹ ẹvwe na, kugbe ẹgua rayen ejobi, vẹ urhi emiovwo, kugbe orukuruku rayen ejobi; Ọ Me ghwa ayen ejobi phihọ uyovwi rẹ ẹvwe na, Ọ da djẹ yanran kpo obo aton, ohwo ra rhuẹrẹ kpahe jovwo na kọye suo yanran.

Livitikọs 9:7

Kẹsiẹye Mosis ke rha ta kẹ Erọn nẹ, Gbe si kẹrẹ agbada na, rere wo ze izobo rẹ umwemwu wẹn vẹ izobo rẹ ẹtorhẹ rere wọ gọ ẹgua nẹ oma wẹ vẹ ihwo na ejobi, re wọ vwẹ ẹkpẹvwẹ rẹ otu ejobi na rhe, rere wọ gọ ẹgua nẹ ayen oma, kirobo rẹ Ọrovwohwo na ji iji rọye na.

Livitikọs 8:22

Kẹsiẹye ọ ke rhe reyọ egbo rẹ ivẹ na rhe egbo ra cha vwọ vwẹ irherẹn mu na; Etiyin Erọn vẹ emọ rọye da ghwa abo rayen kpahe uyovwi rẹ egbo na.

Livitikọs 8:14

Kẹsiẹye ọ ke reyọ erhuẹn ọshare re vwo ze izobo re umwemwu na, Erọn vẹ emọ rọye da ghwẹ abọ rayen kpahe uyovwi rẹ erhuẹn re vwo ze izobo rẹ umwemwu na.

Livitikọs 4:35

Ivwri rẹ eranvwe na ejobi o mi si ayen no kirobo re siẹ ivwri nẹ omogodẹ re vwo ze izobo rẹ ufuoma na no, orherẹn na Me torhẹ vwẹ enu rẹ agbada na, vwọ ba izobo ra torhẹ na vwọ kẹ Ọrovwohwo; orherẹn na kọ gọ ẹgua no oma fiki rẹ imwemwu ro ruru na, ke vwo ghovwo.

Livitikọs 4:29

Ọ Me ghwe obọ rọye kpahe uyovwi rẹ eranvwe na o mi hwe vwẹ asan ra da torhẹ izobo na.

Livitikọs 4:24

ọ Me ghwa obọ rọye kpahe uyovwi rẹ ẹvwe na, o mi hwe vwẹ asan re de hwe eranvwe ra vwọ torhẹ izobo kẹ Ọrovwohwo na; ona izobo re ze fiki rẹ izobo rẹ umwemwu.

Livitikọs 4:15

ekpako rẹ ukoko Me ghwẹ abọ rayen kpahe uyovwi rẹ erhuẹn ọshare na vwẹ obaro rẹ Ọrovwohwo na, e mi hwe vwẹ obaro rẹ Ọrovwohwo.

Livitikọs 4:4

O Me reyọ erhuẹn ọshare na rhe anurhoro rẹ utughẹ ra da vwa oma na vwẹ obaro rẹ Ọrovwohwo, kọ ghwẹ obọ rọye kpahe uyovwi rọye, ko hwe vwọ kẹ Ọrovwohwo.

Livitikọs 3:13

ọ Me ghwẹ obọ rọye kpahe uyovwi rọye, o mi hwe vwẹ obaro rẹ utughẹ ra da vwa oma na; emọ re Erọn mi ku ọbara rọye riariẹ agbada na phihọ.

Hibru 10:4

Kidie ọ pha bẹnbẹn rere ọbara rẹ ẹvwe kugbe irhuẹn vwọ sa ghwẹ imwemwu nu.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Ukeri 25:13

kọ dia kẹ, kugbe uvwiẹ rọye rọ cha vwẹ obuko rọye, kọ dia ọphọ rẹ orherẹn rhiri bẹdẹ, fikiridie ọ rioma fiki rẹ Ọghẹnẹ rọye, ọ da gọ ẹgua nu kẹ ihwo rẹ Izrẹl.

Ukeri 15:28

Orherẹn na ko mudia gọ ẹgua na vwẹ obaro rẹ Ọrovwohwo fiki rẹ ohwo na ro ru oruchọ na, ọke rọ da vwẹ ughẹghẹ vwo ru umwemwu, ka gọ ẹgua nu kẹ, ke vwo ghovwo.

Ukeri 8:12

Ihwo ri Livae na ke ghwẹ abọ rayen kpahe iyovwi rẹ irhuẹn eshare na; ko wọ vwẹ ọvo ze izobo rẹ umwemwu ọ ro chekọ kẹ izobo rẹ ẹtorhẹ kẹ Ọrovwohwo, rere a vwọ gọ ẹgua nẹ ihwo ri Livae na.

Livitikọs 22:27

Erhuẹn eyẹ ogodẹ eyẹ ẹvwe de vwiẹ, ọ vẹ ọmọ ro vwiẹri na Me dia kugbe ẹdẹ ighwrẹn, kẹ ẹdẹ ẹrenren yanran yo teri ka sa reyọ vwo ze izobo rẹ ẹtorhẹ kẹ Ọrovwohwo na.

Livitikọs 22:21

Ohwo da vwẹ izobo re ufuoma rhi vwo ze izobo kẹ Ọrovwohwo na, ọ da dia ive ro veri eyẹ ẹkpẹvwẹ ro nẹ udu rhe, ọ dia erhuẹn eyẹ ogodẹ, jọ gba dẹn o vwo oka ọvuọvo-o, kẹsiẹye a ke reyọ.

Livitikọs 6:7

Orherẹn na Me reyọ vwọ gọ iye rẹ arhuẹrẹ kẹ Ọrovwohwo re a vwọ gọ ẹgua no oma vwẹ obaro rẹ Ọrovwohwo, ke vwo ghovwo emu kemu rẹ ohwo ruẹ ọ Me re abe.

Livitikọs 5:6

Kọ vwẹ izobo rẹ abe rọye vwọ rhe Ọrovwohwo fiki rẹ imwemwu ro ruru, ẹvwe aye eyẹ omogodẹ aye, kẹ ọye o vwo ze izobo rẹ umwemwu; orherẹn na kọ gọ ẹgua rẹ umwemwu rọye na no oma rọye.

Ẹyano 28:38

Ọ me dia arhare rẹ Erọn, Erọn kọ ghwa abe ro nẹ evun rẹ izobo ọfuanfon rẹ ihwo rẹ Izrẹl na ru fon na kọ dia okẹ ọfuanfon; kọ dia arhare rọye kọke kọke, rere Ọrovwohwo vwọ sa reyọ ayen.

Ẹyano 29:33

Kẹ ayen re imu yena ra vwọ gọ egua no oma na, ra vwọ vwẹ ayen mu na re vwo ru ayen fon, ẹkẹvuọvo ohwo rẹ otafe sa re aye-en, kidie ayen pha fuanfon.

Livitikọs 4:33

Ọ Me ghwe obọ rọye kpahe uyovwi rẹ izobo rẹ umwemwu na, o mi hwe vwo ze izobo fiki rẹ umwemwu vwẹ asan re de hwe eranvwe ra vwọ torhẹ izobo na.

Ukeri 8:10

Ọke wọ da vwi Livae na vwọ phia kẹ Ọrovwohwo na, ihwo rẹ Izrẹl na ejobi ke ghwẹ abọ rayen kpahe ihwo ri Livae na,

Izikiẹl 45:15

vwẹ ekru rẹ igodẹ ujori ivẹ a me reyọ ogodẹ ọvo no rhe, vwẹ ekru rẹ Izrẹl na. Ọnana kọye e vwo ze izobo rẹ ọka, izobo rẹ ẹtorhẹ, kugbe izobo rẹ ufuoma, rere a vwo rhuẹrẹ arhuẹrẹ kẹ ayen, eriyin Ọrovwohwo Ọghẹnẹ tare.

Livitikọs 8:18

Kẹsiẹye ọ ke rhe vwẹ egbo rẹ izobo rẹ ẹtorhẹ na phia, Erọn vẹ emọ rọye da ghwẹ abọ kpahe uyovwi rẹ egbo na