Kolose 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ We jẹ ota rẹ ovwan dia dẹndẹn rere ota avwerhe nẹ unu rẹ ovwan rhe, re ovwan riẹn obo rẹ ovwan kpahe ota kẹ ohwohwo.

Kolose 4:6 Referans Kwoze

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

Aghwoghwo 10:12

Eta rẹ unu rẹ ọvwaghwanre nẹrhẹ a vwẹ ọghọ kẹ, ẹkẹvuọvo ẹbẹrunu rẹ ẹkpa ọye ri hwe.

Iyẹnrẹ Esiri ri Mak 9:50

Ughweraka yoma: ẹkẹvuọvo ughweraka de ku avwerhe rọye fia, kidie ovwan vwo kẹ avwerhe? Ovwan vwo ughweraka vwẹ oma rẹ ovwan, ovwan vwẹ ufuoma nene ohwohwo yeri.

Isẹ 15:4

Ẹrẹnvwe bọrọbọrọ ọye urhe ra arhọ, ẹkẹvuọvo echobọr da herọ kọ guọghọ erhi.

Isẹ 15:7

Ẹbẹrunu rẹ ọvwaghwanre ghwoghwo erianriẹn, ọ dia ọtiọye kẹ iroro rẹ ohwo oghenghẹ-ẹn.

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

Matiu 5:13

Ovwan ughweraka rẹ akpọ na. Ẹkẹvuọvo ughweraka de ku avwerhe rọye kufia, komavọ o ru vwerhe? o gbi yovwi ọfa-a, ke kuo kufia, ihwo ki chiyo wan.

Isẹ 10:21

Ẹbẹrunu rẹ ovwata nẹrhẹ evun vọn ihwo buebu, ẹkẹvuọvo jẹ iroro evwo re nẹrhẹ ughwu hwe ohwo oghenghẹn.

Une rẹ Ejiro 119:46

Mi gbe ikun rẹ iseri wẹn vwẹ obaro rẹ ivie, oma gbe rha vo vwẹ-ẹ,

Une rẹ Ejiro 105:2

So une ke, so ejiro ke, gbe ikun re iruo re igbunu rọye!

Une rẹ Ejiro 45:2

Wẹ ri me yovwi vwẹ usun rẹ emọ rẹ ihwo; erhuvwu a ghwẹ vọn ẹbẹrunu wẹn, fiki rẹ ẹtiọyẹ na Ọghẹnẹ vwo bruphihọ kẹ bẹdẹ.

Iyẹnrẹ Esiri ri Luk 4:22

Ihwo na ejobi da ta ota rọye yoyovwi, ota esiri ro nẹ unu rọye rhe de gbe ayen unu; ayen da ta, Ọnana dia ọmọ ri Josẹf na?

Une rẹ Ejiro 119:13

Ẹbẹrunu mẹ mi vwo ghwoghwo egba ejobi wọ vwẹ unu wẹn ji.

Une rẹ Ejiro 66:16

Mọ wo nyo, ovwan ejobi re djẹ oshọ rẹ Ọghẹnẹ ki mi gbe obo ro ru kẹ vwẹ.

1 Ikun rẹ Ivie 16:24

Ghwoghwo urinrin rọye vwẹ ohri rẹ ẹgborho na ghwoghwo iruo rẹ igbunu rọye vwẹ ohri rẹ ihwo rẹ akpọ!

Urhi Rivẹ 11:19

Wa vwẹ ayen yono emọ rẹ ovwan, re we gbe ikun rayen, siẹ re wo de tidia vwẹ uwevwi rẹ ovwan vẹ ọke re wọ da yan vwẹ idjerhe, vẹ ọke wo de shevwerhẹ totọ, kugbe ọke wo de vrẹn.

Livitikọs 2:13

Kizobo kizobo rẹ ọka re duvwẹ na ejobi we mi phi ughweri phihọ ayen, wo jẹn ughweri rẹ ọphọ rẹ Ọghẹnẹ wẹn na kare izobo rẹ ọka wẹ-ẹn; phi ughweri ba izobo wẹn ejobi.

Izikiẹl 43:24

Ku wọ vwẹ ayen phia kẹ Ọrovwohwo, orherẹn na kọ fẹrẹ ughweraka ku ayen ka vwẹ ayen ze izobo rẹ ẹtorhẹ kẹ Ọrovwohwo.