Kolose 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Aristakọs re me vẹ ọye gba hẹ uwodi na nẹ eyere ovwan, eriyin ji ti Mak, Ọmọ rẹ oniọvo ri Banabas, (mi ji gbe ikun rọye kẹ ovwan jovwo re, ọ da rhe ovwan reyọ),

Kolose 4:10 Referans Kwoze

Filimọn 1:24

eriyin ji te Mak, Aristakọs, Dimas, Luk, otu re me vẹ ayen gbe koko ru iruo na.

2 Timoti 4:11

Luk ọvo kọye ri ehekọ. Reyọ Mak re wọ vẹ ọye rhe; kidie ọ ga vwẹ gangan.

Iruo rẹ Iyinkọn na 19:29

Ozighi de she vwẹ evun rẹ orere na; ayen da họrhọ kpo obo ọguan, re kpono Gayọs kugbe Aristakọs, ihwo ri Masidonia re vẹ Pọl gba yan oyan na.

Iruo rẹ Iyinkọn na 27:2

Rẹ ayen vwọ ro okọ rẹ Adrametiọm, ro che bi nene erhuru rẹ Esha, avwanre de bi okọ vwọ hẹ abadi, Aristakọs, ohwo ri Masidonia da dia Tẹsaionaika de nene yanran.

Iruo rẹ Iyinkọn na 20:4

Sopata rẹ ohwo ri Biria, ọmọ ri Paerọs, de nene; ihwo ri Tẹsalonaika ivẹ Aristakọs kugbe Sẹkọndọs ji nene; kugbe Gayọs ohwo ri Dabe, kugbe Timoti ohwo rẹ Ẹsha, Taekikọs kugbe Trofimọs.

Iruo rẹ Iyinkọn na 12:12

Ọke rọ vwọ mrẹ ọnana vughe nu, ọ da yanran kpo uwevwi ri Meri, oni ri Jọn re ji se Mak, asan rẹ ayen buebu kokori rẹ ayen da nẹ ẹrhovwo.

1 Pita 5:13

Aye rọ hẹ obo Babilọn, ra je jẹreyọ na, ne yere ovwan; eriyin ji te ọmọ mẹ Mak.

Ọbe ri Pọl si rhe Ihwo ri Rom 16:7

Yere Andronikọs kugbe Junias imoni mẹ kugbe otu mẹ re me vẹ ayen gba re oja vwẹ uwodi; ayen emamọ rẹ ihwo vwẹ ohri rẹ iyinkọn na, e ke rha je dia ihwo ri ke nene Kristi tavwe mi ki rhi kurhẹriẹ.

Ọbe ri Pọl si rhe Ihwo ri Rom 16:2

rere ovwan reyọ vwẹ odẹ rẹ Ọrovwohwo kerẹ orherẹn ro fori, re wa vwẹ ọchuko kẹ vwi kemu kemu ejobi rọ guọnọre kidie ọ cha ihwo buebu uko eriyin ọ je cha vwẹ uko rhe.

Iruo rẹ Iyinkọn na 13:13

Vwẹ ọke nana Pọl vẹ irivẹ rọye da ro okọ nẹ Pafọs, kpo Pẹga vwi Pamfilia. Jọn da yan jẹ ayen vwo kpo Jerusalẹm;

Iruo rẹ Iyinkọn na 4:36

Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs,

Iruo rẹ Iyinkọn na 13:5

Ọke rẹ ayen vwo te Salamis, ayen de ghwoghwo ota rẹ Ọghẹnẹ na vwi Sinagọg rẹ ihwo ri Ju. Ayen da reyọ Jọn rọ chọ ayen uko.

Iruo rẹ Iyinkọn na 12:25

Banabas kugbe Sọl vwo ru iruo rayen nu, ayen de rhivwi rhe Jerusalẹm, ayen da vwi Jọn re se Mak vwọ ba oma.

Filimọn 1:23

Epafras re mu kugbe uvwe vwẹ uwodi na vwi fiki ri Kristi Jesu, nẹ e yere uwe;