Kolose 3:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Kemu kemu we ruẹ ejobi wa vwẹ udu esiri ru ayen, kirobo ru we ruẹ kẹ Ọrovwohwo ọ dia ohwo rẹ akpọ we ru ayen kẹ-ẹ.

Kolose 3:23 Referans Kwoze

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

Ọbe ri Pọl si rhe Ihwo ri Rom 14:8

Owenẹ avwanre rhọ, avwanre rhọre kẹ Ọrovwohwo, owenẹ avwanre ghwu, avwanre ghwuru kẹ Ọrovwohwo; owenẹ avwanre rhọ eyẹ avwanre ghwu, avwanre hẹ obọ rẹ Ọrovwohwo.

2 Ikun rẹ Ivie 31:21

Kugbe kiruo kiruo ro ruru vwẹ evun rẹ ẹga rẹ uwevwi rẹ Ọghẹnẹ kirobo rẹ urhi kugbe iji rọye wanre, ọ guọnọ Ọghẹnẹ rọye, ọ vwẹ udu rọye ejobi guọnọ, o de yovwi kẹ.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

1 Pita 2:15

Kidie ọye ọhọre rẹ Ọghẹnẹ nẹ wo de ru obo ri yovwiri kọ nẹrhẹ ẹkpa ri ghẹghẹ rhuru unu.

1 Pita 2:13

Vwẹ oma kpotọ vwi fiki rẹ Ọrovwohwo vwọ kẹ ukoko rẹ ohwo rẹ akpọ vwo mu, owenẹ ọ dia ovie ro kpenu,

Une rẹ Ejiro 119:10

Udu mẹ ejobi me vwọ guọnọ owẹ; wo ju vwe suosuo nẹ irhi wẹ-ẹn!

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

Ọbe ri Pọl si rhe Ihwo ri Rom 14:6

Ohwo ro mu ọghọ kẹ ẹdẹ na, o muro kẹ Ọrovwohwo. Ọ rọ ria emu, ọ rerọ vwo mu ọghọ kẹ Ọrovwohwo, kidie ọ vwẹ ẹkpẹvwẹ kẹ Ọghẹnẹ; ohwo ro jẹriọ, ọ vwẹ i jẹriọ vwo mu ọghọ kẹ Ọrovwohwo ọ me vwẹ ẹkpẹvwẹ kẹ Ọghẹnẹ.

Une rẹ Ejiro 119:34

Kẹ vwẹ ẹruọ, rere me vwọ yọnrọn urhi wẹn re me vwẹ udu mẹ ejobi vwọ sẹro rọye.

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Une rẹ Ejiro 119:145

Udu mẹ ejobi me vwọ viẹ, nyo vwe, E Ọrovwohwo! ke me yọnrọn iji wẹn.

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Ẹfesọs 5:22

Eya na, wa vwẹ oma kpotọ kẹ eshare rẹ ovwan, kirobo ra vwẹ oma kpotọ kẹ Ọrovwohwo.

Une rẹ Ejiro 103:1

Bruphihọ kẹ Ọrovwohwo, E erhi mẹ; obo re vẹ ovwẹ herọ ejobi, bruphihọ kẹ odẹ ọfuanfon rọye!