Kolose 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Rere te erianriẹn rẹ ovwan te esegbnyota rẹ ovwan ejobi vwọ ghwotọ kokoroko, kirobo re yono ovwan, rere ovwan mia vwẹ ẹkpẹvwẹ kẹ.

Kolose 2:7 Referans Kwoze

Ẹfesọs 3:17

rere Kristi sa rhe wan esegbuyota dia udu rẹ ovwan; rẹ ẹguọnọ rẹ ovwan da rhe ghwaotọ kokoroko nure,

Jerimaya 17:8

Kọ họhọ urhe ra kọn phihọ asame, rẹ awọ roye djẹ ro ẹtẹrhe, rọ djẹ oshọ rẹ oheri-i, kidie ẹbe rọye epha wọnwọn, ọ rọ ẹnwan rẹ ukpe rẹ uvo rhovworo-o, kidie o jẹn emamọ emọ-ọ.

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

2 Tẹsalonaika 2:17

o bru udu rẹ ovwan uche ọ vwẹ owọ rẹ ayen muotọ vwẹ iruo kiruo oyoyovwi kugbe ota.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

Une rẹ Ejiro 92:13

A kọn ayen phihọ uwevwi rẹ Ọrovwohwo na ayen ra rhua vwẹ evun rẹ ọguan rẹ Ọghẹnẹ rẹ avwanre.

Une rẹ Ejiro 1:3

Kọ dia kerie urhe ra kọnre kere asan ame, rọ mọ emamọ rọye vwe ọke ororọ rọye, ẹbe rọye se vwiọro-ọ. Kemu kemu rọ ruru ejobi, ko yovwi kẹ.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Tẹsalonaika 5:18

Ovwan kpẹvwẹ Ọghẹnẹ vwi kẹdia kẹdia rẹ ovwan epha ejobi; ọnana hẹ ọhọre rẹ Ọghẹnẹ vwẹ evun ri Kristi Jesu vwọ kẹ ovwan.

Iyẹnrẹ Esiri ri Luk 6:48

Kọ họhọ ohwo rọ bọn uwevwi, rọ da nabọ tọn otọ na kokodo, ro ki mu uchivwo na phihọ enu rẹ oragha; ọke rẹ oghwe vwo ku rhe, rẹ ọkẹre vwọ fa uwevwi na, o gbi se kpogho-o, fikiridie a tọnrọ ro otọ kokodo.

Ẹfesọs 4:21

A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

Ọbe ri Jud 1:20

Ẹkẹvuọvo ovwan, imoni re ghare, wa nabọ tọn oma rẹ ovwan phihọ evun rẹ esegbuyota ọfuanfon rẹ ovwan; nẹ ẹrhovwo vwẹ evun rẹ Erhi Ọfuanfon na;

2 Kọrẹnt 1:21

Ẹkẹvuọvo Ọghẹnẹ rọ vwẹ owọ rẹ ovwan vẹ ọ rẹ avwanre muotọ vwẹ evun ri Kristi, kọye ji ji avwanre uwevwi na.

Ọbe ri Jud 1:12

Enana da rhe dia ekan vwẹ orẹ rẹ ẹguọnọ rẹ ovwan, vwẹ ọke rẹ ayen da vwẹ aroeyivwo gbe iknn rẹ ozighi kuẹgbe, rẹ ayen de nẹ oma rayen ọvo, enu ro biri yẹ osio rhọ re-e, rẹ odju muẹ yanran, irhe ri jẹ ẹmọ vwẹ ọke ororo, ri ghwuru asiava, re ghwie nẹ otọ;

1 Kọrẹnt 1:8

rọ cha yọnre ovwan rhi te oba, rere we vwo jẹ abe-ẹriọ vwẹ ẹdẹ rẹ ẹcha rẹ Ọrovwavwanre Jesu Kristi.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.