Kolose 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² si rhe ihwo efuanfon ri se Kristi gbuyota vwẹ obi Kolose. Ẹserọphẹ kugbe ufuoma ro nẹ obọ rẹ Ọghẹnẹ Ọsẹ rẹ avwanre rhe nene ovwan dia.

Kolose 1:2 Referans Kwoze

2 Pita 1:2

E jẹn ẹserọphẹ kugbe ufuoma buphihọ kẹ ovwan vwẹ evun rẹ erianriẹn rẹ Ọghẹnẹ kugbe Jesu Ọrovwavwanre.

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

1 Kọrẹnt 1:2

Vwo rhe ishọshi rẹ Ọghẹnẹ rọ hẹ Kọrẹnt, vwo rhe ihwo re rufon vwẹ evun ri Kristi Jesu, re seri ne rhe dia ihwo efuanfon kugbe ayen ejobi re hẹ kasan kasan ri se odẹ rẹ Ọrovwavwanre Jesu Kristi, ọye hẹ Ọrovwohwo rayen kugbe ọ rẹ avwanre.

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

1 Pita 1:2

re dia ajẹreyọ rẹ Ọghẹnẹ Ọsẹ na rẹ Erhi na ru fon vwẹ ọghemuo kẹ Jesu Kristi kugbe ọbara rọye ra fẹrẹ kuo. E jẹ ẹserọphẹ kugbe ufuoma bu phihọ kẹ ovwan.

Galesha 1:3

Ẹserọphẹ vẹ ufuoma ro nẹ obọ rẹ Ọghẹnẹ rẹ ọsẹ rhe, kugbe obọ rẹ Ọrovwavwanre Jesu Kristi nene ovwan dia;

Ẹfesọs 6:21

Asakiephana re ovwan vwọ sa riẹn obo re me epha kugbe obo ri mi ruẹ, Taekikọs oniọvo mẹ rẹ ọghaghare na kugbe ogbeodibo rẹ esiri na vwẹ evun rẹ Ọrovwohwo na ko gbe emu ejobi kẹ ovwan.

Une rẹ Ejiro 16:3

Vwọ kẹ ihwo efuanfon vwẹ evun rẹ otọ na, ayen ihwo re mu ọghọ kẹ, ayen ọvo ivun rayen vwerha ovwẹ.

Ọbe ri Jud 1:2

E gbe jẹn arodọvwẹ, ufuoma, kugbe ẹguọnọ buphihọ kẹ ovwan.

Galesha 3:9

Ọtiọye na, otu rẹ ihwo ri vwo esegbuyota ke bruphihọ kẹ ayen vẹ Ebraham ro segbuyota.

1 Kọrẹnt 4:17

Fiki rẹ ọtiọye na mi vwo ji Timoti, ọmọ mẹ rẹ ọghaghare ro vwo esegbuyota kpahe Ọrovwohwo, bru ovwan rhe rọ rhe karohọ ovwan kpahe idjerhe mẹ vwi Kristi, kirobo ri mi yono ayen vwẹ asan ejobi vwi ishọshi kishọshi.

Iruo rẹ Iyinkọn na 9:13

Ẹkẹvuọvo Ananayas da kpahe, Ọrovwohwo, mi nyo ikun buebu kpahe ọshare nana emu umwemwu ro ru kpahe ihwo efuanfon wẹn vwẹ obi Jerusalẹm.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini: