Kolose 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọye hẹ uhoho rẹ Ọghẹnẹ re jẹ mrẹ na, ọmọ ọkpako rẹ emama na ejobi.

Kolose 1:15 Referans Kwoze

Hibru 1:3

Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Iyẹnrẹ Esiri ri Jọn 14:9

Jesu da ta kẹ, Ede obo re me vẹ owẹ diarọ krite na, da je wọ riẹn vwẹ Filip? Ọ rọ mrẹ vwẹ nu jọ mrẹ Ọsẹ na re; Komavọ wọ vwọ tanẹ, Djẹ Ọsẹ na kẹ avwanre?

Iyẹnrẹ Esiri ri Jọn 1:1

Notọrhe ọye Ota na vwọ herọ, Ota na vẹ Ọghẹnẹ gba herọ, Ota na ye hẹ Ọghẹnẹ.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Filipae 2:6

dede nẹ, Ọghẹnẹ ọ họhọre, yọ vwẹ oma vwanvwe Ọghẹnẹ-ẹ,

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Une rẹ Ejiro 89:27

Ki mi vwo ru ọmọkpako, ovie ro me kpenu vwẹ akpọ na.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Hibru 1:6

Ọfa, ọke ro vwo vwiẹ ọmọkpako rọye phihọ akpọ na nu, Ọ da ta, E jẹn emakashe rẹ Ọghẹnẹ ejobi ga.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Iyẹnrẹ Esiri ri Jọn 15:24

Ọ dianẹ mi rhi ru iruo rẹ ohwo ofa ji ru vwẹ ohri rẹ ayen dẹvo-o, manẹ ayen ru umwemwu-u; ẹkẹvuọvo asakiephana ayen mrẹre yẹ ayen ji tuoma mẹ kugbe Ọsẹ mẹ.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Hibru 11:27

Vwẹ esegbuyota o vwo vrẹn nẹ Ijipt, ọ djẹ oshọ rẹ ophu rẹ ovie na-a; o de chirako kerẹ ohwo rọ mrẹ ọ re jẹmrẹ na.

Ukeri 12:8

Me vẹ ọye ohwo hirhe unu ku ohwo ta ota, phephẹn ọ dia eta ikokodo-o; o de rhie ẹro mrẹ oma rẹ Ọrovwohwo. Die sorọ rẹ oshọ vwo jẹ ovwan emuo rẹ ovwan vwọ ta ota kpahe odibo mẹ Mosis?

Ẹyano 24:10

ayen da mrẹ Ọghẹnẹ rẹ Izrẹl; vwẹ obotọ rẹ awọ rọye umukpe ra teyere ro lo kerẹ oragha, rọ họhọ ekpuyovwi rẹ odjuvwu na fikiridie ofiotọ gangan.