Kolose 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Kolose 1:13 Referans Kwoze

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹfesọs 6:12

Ọ dianẹ ugboma vẹ ọbara a họnra na-a, ẹkẹvuọvo ikpihwo ride, ogangan ride, ihwo ride ri suẹn akpọ rẹ ebri nana, otuofovwi rẹ erhi umwemwu re hẹ obo obenu na.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

1 Jọn 3:14

Avwanre riẹnre nẹ avwanre nẹ abọ rẹ ughwu kpo arhọ nure, fikiridie avwanre guọnọ imoni na. Ohwo ro vwo ẹguọnọ-ọ yọ hẹ evun rẹ ughwu.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

1 Jọn 2:8

Yẹ urhi ọkpokpọ mi siẹ rhe ovwan na, rọ hẹ uyota vwẹ oma rọye kugbe evun rẹ ovwan, fikiridie ebri na ra wanvrẹn re yẹ urhukpẹ rẹ uyota na hiro lo re.

2 Pita 1:11

Vwẹ ọtiọye na ka rhuẹrẹ idjerhe kẹ ovwan rẹ ovwan cha wan kpo uvie ri bẹdẹ na rẹ Ọrovwavwanre kugbe Osivwi rẹ avwanre Jesu Kristi.

Iyẹnrẹ Esiri ri Luk 13:24

Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Iyẹnrẹ Esiri ri Jọn 17:24

Ọsẹ, me guọnọre nẹ ayen rhe, re wọ vwọ kẹ vwẹ na, vẹ ovwẹ dia asan re me epha, re mrẹ urinrin mẹ re wọ kẹ vwẹ vwẹ ẹguọnọ ru wọ vwọ kẹ vwẹ tavwe ra ke ma akpọ na.

Iyẹnrẹ Esiri ri Luk 22:53

Ọke re me vẹ ovwan vwọ herọ kẹdẹ kẹdẹ vwẹ uwevwi rẹ ẹga na, we shabọ họ ovwẹ-ẹ. Ẹkẹvuọvo ọnana hẹ unọke rẹ ovwan, kugbe ogangan rẹ ebri.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Jọn 3:35

Ọsẹ na guọnọ Ọmọ na, o de phi emu na ejobi phihọ obọ.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

2 Kọrẹnt 11:14

A gbe ta-a, kidie ekpuyovwi rẹ Idẹbono vwẹ oma nẹ kerẹ amakashe rẹ urhukpe.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.