Joshua 7:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ọke me vwọ mrẹ adagba ri Shinar oyoyovwi vwẹ ohri rẹ ekuakua na, kugbe shekẹl ujori ivẹ rẹ idọnọ, kugbe ubrogba rẹ oro rọ họhọ te shekẹl ujuvẹ gbẹ ihwe, etiyin urhuru rẹ ayen de si vwe, me da reyọ ayen; nighere, a tọn ayen phihọ otọ vwẹ evun rẹ utughẹ mẹ, vẹ idọnọ na ra vwọ ka obotọ.

Joshua 7:21 Referans Kwoze

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Iyẹnrẹ Esiri ri Luk 12:15

Ọ da ta kẹ ayen, Jomaotọ, re wo si oma wẹn nẹ urhuru evwo; ọ dia efe buebu rẹ ohwo vwori ọye urhuarhọ rọye epha-a.

Une rẹ Ejiro 119:37

Rhẹriẹ ẹro mẹ rere o vwo je ogbegbemre e no; wọ kẹ vwẹ arhọ vwẹ idjerhe wẹn na.

2 Pita 2:15

Ihwo re siẹn omamọ rẹ idjerhe re da yan ghwru; ayen nene idjerhe ri Balaam, ọmọ ri Biọ, rọ guọnọ erere nẹ evun rẹ umwemwu rhe,

Urhi Rivẹ 7:25

Wa vwẹ erhanre torhẹ ema rẹ ẹdjọ rayen; wo siurhuru rẹ idọnọ efuanfon eyẹ iro rẹ enu raye-en, wọ je reyọ kẹ oma wẹ-ẹn, ufi de rhi mu we vwẹ evun rọye; kidie ẹgua kẹ Ọrovwohwo Ọghẹnẹ wẹn.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Isẹ 28:22

Ọtokpẹn ri broma rẹ efe, yọ gbe rha riẹn nẹ akpọ cha bẹn vwẹ obọ-ọ.

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Ẹfesọs 5:3

Ẹkẹvuọvo ọfaurhie kugbe oka koka rẹ ijẹfuọn ejobi eyẹ urhuru evwo e jẹn e se odẹ rọye vwẹ ohri rẹ ovwa-an, kirobo ro fori vwẹ ohri rẹ ihwo efuanfon.

Iyẹnrẹ Esiri ri Luk 12:2

O vwo emu ọvuọvo re rhurhuru ro jẹ phia-a, eyẹ re sinu re jẹ riẹ-ẹn.

Habakọk 2:9

Ekan kẹ ohwo rọ ghwẹ erere umwemwu phihọ uwevwi rọye, rọ bọn ẹho rọye phihọ ọbenu, rere obọ vwọ je te kpokpo.

Aizaya 29:15

Ekan kẹ otu ri si aghwanre rayen nẹ kokodo kẹ Ọrovwohwo, ri ruẹ uruemu rayen vwẹ evun rẹ ebri, re tanẹ, Kono mrẹ avwanre? Kono riẹn avwanre?

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Isẹ 23:31

Wo nẹ udi siẹ rọ da vwara-a, rọ da họrhọ vwẹ evun rẹ uko o mi ku kpotọ riei.

Isẹ 4:23

Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

ỌBE RẸ JOB 31:1

Me vẹ ẹro mẹ re ọphọ nure, komavọ mi ru se ni ọmọtọbẹ?

Ẹyano 20:17

Wo jẹ uwevwi rẹ ọrivẹ wẹn da wẹ ẹro-o; wo jẹ aye rẹ ọrivẹ wẹn da wẹ ẹro-o, yẹrẹ odibo rọye rẹ ọshare, yẹrẹ odibo rọye rẹ aye, erhuẹn rọye eyẹ ekẹtẹkẹtẹ rọye kemu kemu ro rhe ọrivẹ wẹn.

Jẹnẹsis 10:10

Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Joshua 7:20

Ekan da ta kẹ Joshua, Vwẹ ọ rẹ uyota mi ghinẹ ru umwemwu kpahe Ọrovwohwo Ọghẹnẹ rẹ Izrẹl, ọnana kọye obo ri mi ruru;

Joshua 7:22

Etiyin Joshua de ji ikọn, ayen da djẹ kpo obo utughẹ na; nighere, e ghine tọn phihọ otọ a vwẹ idọnọ na ka obotọ kẹ.

Ivie rẹ Ivẹ 7:8

Ọke rẹ ihonvwoti na rhi vwo te orhoma rẹ erhọn na, ayen da ro evun rẹ utughẹ ọvo, ayen da re, ayen da da, ayen da ghwẹ idọnọ vẹ iro vẹ emwa, re sinu; ayen de rhivwi rhe ayen da rọ utughẹ ọfa, ayen da ghwẹ ekuakua no, ayen da ghwẹ ayen yanran re sinu.

Jẹnẹsis 34:27

Emọ ri Jekọp da hiẹ oma rẹ ihwo rẹ ayen hweri na, ayen da ghwẹ ekuakua rayen reyọ, kidie ayen gbe oniọvo rayen ẹgua.

Isẹ 1:19

Ọtiọye idjerhe rẹ ihwo re guọnọ efe rẹ ogbarogba epha, arhọ rayen mi nene.