Joshua 7:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin Joshua de vrẹn vwẹ irhiọke ride, ọ de se Izrẹl koko oruorua, e de mu orua ri Juda;

Joshua 7:16 Referans Kwoze

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Une rẹ Ejiro 119:60

mi bru okpakpa me da oma ji-i rere me vwọ yọnrọn irhi wẹn.

Joshua 3:1

Vwẹ irhiọke ride Joshua de vrẹn o de mu oyan nẹ Shitim, ọ ve ihwo rẹ Izrẹl ejobi; ayen de rhi te Jọdan, ayen won phihọ etiyin tavwe re ayen ke wanvrẹn.

Jẹnẹsis 22:3

Etiyin Ebraham de vrẹn vwẹ irhiọke ride, ọ da jẹn ufi phihọ ekẹtẹkẹtẹ rọye, ọ da reyọ emeshare rọye ivẹ vwọ boma, kugbe ọmọ rọye Aizik, o de kru ekrirhe re ze izobo rẹ ẹtorhẹ na, o de vrẹn vwo kpo asan rẹ Ọghẹnẹ dje kẹ na.

Joshua 7:15

Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.

Joshua 7:17

o de se ekrekru ri Juda rhe, e de mu ekru ri Zerah; ọ da reyọ evwruwevwi rọye rhe ohwo ọvuọvo, o de mu Zabdi;

Iguẹdjọ 20:19

Etiyin ihwo rẹ Izrẹl de vrẹn vwẹ irhiọke, ra vwẹ ofovwi so Gibeah.