Joshua 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.

Joshua 7:15 Referans Kwoze

Jẹnẹsis 34:7

Emọ ri Jekọp de nẹ ẹghwa rhe, rẹ ayen vwo nyo ota na; ivun de miovwo emọ na gangan, kidie o ru emu rẹ ẹkpa vwẹ Izrẹl ro vwo nene ọmọtẹ ri Jekọp mroma, kidie a mrẹ emu ọtiọye dẹvo-o.

Iguẹdjọ 20:6

Etiyin mi de mu ọnse mẹ ra va ibribro me da gharọ phihọ ubrotọ rẹ Izrẹl na ejobi, kidie ayen gbe ẹgua ayen vwo ọnko vwẹ Izrẹl.

2 Samuẹl 13:13

Vwọ kẹ vwẹ, tivọ me ghwa omẹvuọ nana ra? Rha vwọ kẹ wẹ, ko wọ dia kerẹ ọvo rẹ ẹkpa vwẹ Izrẹl. Fiki rẹ ọtiọye na, Me rẹ wẹ, gba ta kẹ ovie; fikiridie o se si vwe nẹ obọ wẹ-ẹn.

1 Samuẹl 26:21

Etiyin Sọl da ta, mi ru chọ ; rhivwi, ọmọ mẹ Devid, kidie me gbe wan wẹ oma ọfa-a, kidie arhọ mẹ ghare vwẹ obọ wẹn nonẹ na; nighe, mẹvwẹ ri ru ẹkpa, mi ghwruru gangan.

Joshua 7:11

Izrẹl ru umwemwu; ayen chọ urhi rẹ ọphọ re me vẹ ayen rere; ayen reyọ usun rẹ emu ẹvo re vwo ze izobo na; ayen cho uji, ayen vwọrọ efian, ayen si ayen nu vwẹ ohri rẹ ekuakua rayen.

Joshua 7:16

Etiyin Joshua de vrẹn vwẹ irhiọke ride, ọ de se Izrẹl koko oruorua, e de mu orua ri Juda;

Iguẹdjọ 20:5

Etiyin eshare ri Gibeah da kpare ohọnre bru uvwe rhe, ayen da gba riariẹ uwevwi re me epha phihọ vwẹ ason na; rere ayen rhi vwo hwe vwe, ayen de mu ọnse mẹ yanran re hwe.

Iguẹdjọ 20:10

avwanre ra reyọ eshare rẹ orua rẹ Izrẹl na ejobi, a reyọ eshare ihwe nẹ orua ujori, rhe, a reyọ eshare ujori nẹ orua uriori, a reyọ eshare uriori nẹ orua uriori ihwe, rere ihwo nana ghwa emu nene ihwo na, rere ọke rẹ ihwo nana da rhe rere ayen ra reihri vwẹ obọ ri Gibeah ri Bẹnjamin, fiki rẹ uruemu o omiomiovwi rẹ ayen ruru vwẹ Izrẹl.