Joshua 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọrovwohwo da ta kẹ Joshua, Nonẹ na mi vwo si ehwejẹ rẹ Ijipt nẹ ovwan oma. Kọye e de se odẹ rẹ asan na Gilgal rhiri rhi te nonẹ na.

Joshua 5:9 Referans Kwoze

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

Joshua 4:19

Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.

Jẹnẹsis 34:14

Ayen da ta kẹ ayen nẹ, Avwanre se ru emu nana-a, ma sa vwẹ oniọvo rẹ avwanre kẹ upheruphee, kidie ọyena omaẹphọphọ vwọ kẹ avwanre.

Livitikọs 24:14

Reyọ ọ rọ harhe ekan na ne evun rẹ erhọn na; rere ihwo ri nyoro na ejobi ghwe abọ kpahe uyovwi rọye, rere wo jẹn ukoko rẹ ihwo na ejobi reyọ ibieragha vwo phio.

Izikiẹl 23:8

O rha rhọvwẹ siobọ nẹ igberadja rọye ro gberi rhabae na rọ vwọ hẹ Ijipt na-a; kidie rọ vwọ emetẹ ihwo de nene vwerhẹ ayen da chọ ọghọ rọye ayen da kpa ophu rẹ ọfanrhiẹn rayẹn kuo.

Izikiẹl 23:3

ayen de gbe igberadja vwẹ Ijipt, ayen de gbe igberadja vwẹ ọke emetẹ rayen; oboyi ivie rayen de she oboyi a da je chọ ayen ọghọ.

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Une rẹ Ejiro 119:39

Chuko ku eghwọkuo rẹ oshọ rọye mu vwe na; Kidie ẹgha wẹn na iyoyovwi.

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.

Joshua 5:8

Ọke ra vwọ yanvwe ẹgborho na ejobi nu, ayen da dia evun rẹ erhọn na bẹsiẹ rẹ oyanvwe rayen vwo kpo.

1 Samuẹl 7:16

Kọ yan riariẹ kukpe kukpe nẹ Bẹtẹl, kpo Gilgal, nẹ Gilgal kpo Mizpah; asan nana kọye o de gu ẹdjọ rẹ Izrẹl.

2 Samuẹl 19:15

ovie de rhivwi rhe Jọdan; Juda da rhe Gilgal rhe vwa ovie, ayen da reyọ ovie wanvrẹn Jọdan.

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Zẹfanaya 2:8

Mi nyọ ehwẹjẹ ri Moab kugbe ẹghwọ rẹ ihwo rẹ Ammon, obo rẹ ayen vwẹ ihwo mẹ jehwẹ rẹ ayen da yeyan kpahe ubrotọ rayen.

Nehemaya 12:29

ji nẹ Betgilgal rhe ji ne ubrakpo ri Geba vẹ Azmave rhe, kidie ibuine na fan eko riariẹ Jerusalẹm phihọ.

Hosia 4:15

Owene wo gbe igberadja, E Izrẹl, wo ji Juda reabe-e, Wọ vwẹriẹ Gilgal re, eyẹ wọ kpọ enu rẹ Betave-en, wo duvwu iyori nẹ, Kirobo rẹ Ọrovwohwo herọ na.

Emọs 5:5

ẹkẹvuọvo wọ guọnọ Bẹtẹ-ẹl, wọ vwẹriẹ Gilga-al yere wọ samue kpo Bieshibaa; uyota e che mu Gilgal kpo imu, Bẹtẹl che hirhe phihọ odiodi.