Joshua 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Yẹ ihwo ri nẹ otọ rẹ Ijipt rhe jovwo na yanvwere, ekẹvuọvọ otu re vwiẹri vwẹ idjerhe vwẹ evun rẹ aghwa na rẹ ayen vwo nẹ Ijipt nu a gbe yanvwe aye-en.

Joshua 5:5 Referans Kwoze

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

1 Kọrẹnt 7:19

Kidie oyanvwe fi emuọvo-o ọtiọye je hẹ ijẹyanvwọ, ẹkẹvuọvo ọ ro fori kẹ ẹyọnrọn rẹ urhi rẹ Ọghẹnẹ ọvo.

Ọbe ri Pọl si rhe Ihwo ri Rom 2:26

Ohwo rọ yanvwere-e da yọnrọn urhi na, wo rhe roro nẹ e kere ijẹyanvwọ rọye phihọ oyanvwe kẹ?

Matiu 12:7

Ọ da dianẹ ovwan riẹ otọ rẹ ota nana, me guọnọ aruẹdọn ọ dia izobo-o, mane ovwan gbi se brorhiẹ hwe ọ rọ re ase-e.

Joshua 5:4

Ọnana kọye obo re sorọ ri Joshua vwọ yanvwe ayen: eshare ejobi vwẹ usun rẹ ihwo ri nẹ Ijipt rhe na, eshare ri te ofovwi ejobi, ghwuru vwẹ idjerhe vwẹ evun rẹ aghwa re ayen vwo nẹ Ijipt cha.

Joshua 5:6

Kidie ihwo rẹ Izrẹl yan oyan na ikpe ujuvẹ soso vwẹ evun rẹ aghwa, bẹsiẹ rẹ ẹgborho na ejobi, ihwo ri te ofovwi ri ne otọ rẹ Ijipt rhe ejobi, vwo ghwu re, fikiridie ayen nyo urhuru rẹ Ọrovwohwo-o, ayen kọye Ọrovwohwo duvwu iyori kẹ nẹ e cha mrẹ otọ rẹ Ọrovwohwo ve kẹ esẹ rayen nẹ ọye vwọ kẹ avwanre, otọ rọ djẹ ọkẹre rẹ ameivie vẹ ọnyọn.