Joshua 4:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ kere ihwo uriori ujuvẹ re choma rẹ ofovwi da ka obaro kẹ Ọrovwohwo re hẹrhẹ ofovwi, vwẹ uphephẹ ri Jeriko.

Joshua 4:13 Referans Kwoze

Ẹfesọs 6:11

Ghwẹ ekuakua rẹ ofovwi rẹ Ọghẹnẹ vwọ hẹ oma, rere we se vwo mudia hirhe aro ku ophiẹvwe rẹ idẹbono.

Jerimaya 52:8

Ẹkẹvuọvo unofovwi ri Kaldia da vwọ tua ovie na, ayen da vwa Zẹdikaya vwẹ uphephẹ ri Jerikọ, unofovwi rọye ejobi da hra jovwo.

Jerimaya 39:5

Ẹkẹvuọvo unuofovwi rẹ ihwo ri Kaldia da vwọ tua ayen, ayen da djẹ mu Zedikaya vwẹ uphephẹ ri Jeriko, re ayen vwo muo nu, ayen de vwo rhe Nebukadreza ovie ri Babilọn, vwẹ Ribla, vwẹ otọ ri Hamat, o de brorhie hwe.

Ivie rẹ Ivẹ 25:5

Ẹkẹvuọvo ituofovwi ri Kaldia da vwọ tua ovie na, ayen da djẹ muo vwẹ ogo ri Jẹriko; ituofovwi rọye ejobi da hrabọ jovwo.

Joshua 5:10

Ọke rẹ ihwo rẹ Izrẹl vwo mu erhọn vwi Gilgal ayen da re orẹ rẹ ẹwanvrẹn na vwẹ ẹdẹ ihwẹne rẹ emeranvwe na vwẹ ovwọnvwọn vwẹ uphẹphẹ ri Jeriko.

Ẹyano 13:18

Ẹkẹvuọvo Ọghẹnẹ de sun ihwo na riariẹ idjerhe rẹ aton na, kpo obo Abadi ọvwavware na. Emọ rẹ Izrẹl da yan nẹ otọ rẹ Ijipt vẹ omaẹcha rẹ ofovwi.

Ukeri 32:17

ẹkẹvuọvo avwanre ghwẹ ekuakua rẹ ofovwi rẹ avwanre, avwanre je choma vwọ ka obaro kẹ ihwo rẹ Izrẹl, bẹsiẹ ma vwọ reyọ ayen rhi te asan rayen; imitete rẹ avwanre na ke dia irere ra gba ogba riariẹ na fiki rẹ ihwo rẹ otọ na.

Urhi Rivẹ 3:18

Mi de ji iji kẹ ovwan vwẹ ọke yena, nẹ, Ọrovwohwo rẹ Ọghẹnẹ rẹ ovwan na vwẹ otọ nana kẹ ovwan nẹ ovwan dia nure; egba rẹ ovwan cha ghwẹ ekuakua rẹ ofovwi phihọ oma wan vrẹn obaro rẹ imoni rẹ ovwan ihwo rẹ Izrẹl.

Joshua 4:12

Emeshare ri Ruben kugbe emeshare ri Gad kugbe ubro rẹ orua ri Manasse nabọ choma rẹ ofovwi, e da ka obaro kẹ ihwo rẹ Izrẹl, kirobo ri Mosis vuẹ ayen;

Joshua 4:14

Vwẹ ẹdẹ yena Ọrovwohwo da kpare Joshua kpenu vwẹ obaro rẹ ihwo rẹ Izrẹl ejobi; kẹ ayen mudia phariẹ kẹ, kirobo rẹ ayen mudia phariẹ kẹ Mosis, vwẹ ẹdẹ rẹ akpọ rọye ejobi.

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.