Joshua 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ rere wa vwọ riẹn idjerhe ru wa cha yan wan, kidie wa je wan idjerhe nana dẹvo-o. Dede na uvwre cha dia usun rẹ ovwan vẹ ọrọye, uvwre ro sheri te kubit uriori ivẹ; we biẹ kẹrẹ-ẹ

Joshua 3:4 Referans Kwoze

Une rẹ Ejiro 89:7

Ọghẹnẹ ra dje oshọ rọye vwẹ ukoko re ihwo efuanfon wẹn, rọ rhoro ro mu oshọ nọ ayen ejobi rẹ riarierẹ phihọ?

1 Ikun rẹ Ivie 11:2

Ọke rọ wanre, mrẹmrẹ ọke ri Sọl vwọ hẹ ovie, wọwẹ re sun Izrẹl ro otafe je ro uwevwi; Ọrovwohwo rẹ Ọghẹnẹ wẹn da ta kẹ wẹ, wọ dia osuigodẹ rẹ ihwo mẹ Izrẹl, wọ dia ovie vwẹ enu rẹ ihwo mẹ Izrẹl.

Ẹyano 3:5

Etiyin ọ da ta, “Wo biẹ kẹrẹ obonẹẹ; ku isabato wẹn nẹ awọ wẹn, kidie asan ru wo mudia na otọ ọfuanfon.”

Ẹyano 19:12

Wo mi gbere ughwru riariẹ kẹ ihwo na, tanẹ, Kẹnẹ oma we yere kpenu rẹ ugbenu na-a eyẹ wọ vwẹ obọ te orhọ rọye-e; kohwo kohwo rọ vwẹ obọ te ugbenu na ka teyọ hwe;

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Jẹnẹsis 31:2

Jekọp ke rha mrẹ vughe nẹ ivun rọye gbe rha vwerhe Laban kiri ọke rẹ ẹsosuọ-ọ.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Joshua 3:3

ayen de ji urhi kẹ ihwo na nẹ, Ọke wa da mrẹ ekpeti rẹ ọphọ rẹ Ọrovwohwo Ọghẹnẹ wẹn na rẹ irherẹn ri Livae muru, ku we mu oyan nẹ asan rẹ wa epha re we nene,

Joshua 3:5

Joshua da ta kẹ ihwo na, We ru oma rẹ ovwan fon; kidie odẹ rọ cha na Ọrovwohwo che ru igbunu vwẹ ohri rẹ ovwan.

Une rẹ Ejiro 25:12

Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.