Joshua 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọke rẹ Izrẹl ejobi vwọ wan otọ ọyaya na vrẹn, irherẹn na re ghwa ekpeti rẹ ọphọ rẹ Ọrovwohwo na de mudia otọ ọyaya vwẹ uherevie ri Jọdan, bẹsiẹ rẹ ẹgborho na ejobi vwọ wanvrẹn Jọdan nu.

Joshua 3:17 Referans Kwoze

Ẹyano 14:29

Ẹkẹvuọvo ihwo rẹ Izrẹl da wan otọ ọyaya vrẹn vwẹ abadi na, ame na da dia igbẹhẹ kẹ ayen vwẹ ẹbẹre nana te ẹbẹre yena.

Ẹyano 14:22

Ihwo rẹ Izrẹl da yan otọ ọyaya ruẹ evun rẹ abadi na, ame na de mu igbẹhẹ vwẹ obọrhe vẹ obọhwẹre rayen.

Une rẹ Ejiro 66:6

Ọ rhẹriẹ abadi phihọ otọ ọyaya; ihwo da vwẹ owọ wan urhie na vrẹn. Etiyin avwanre da ghọghọ vwẹ oma rẹ obo ro ruru,

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Ivie rẹ Ivẹ 2:8

Ilaija da ghwiẹ ewun rọye nẹ oma, o de kpirho koko, ọ da vwọ ghwiẹ ame rẹ urhie na, ame na da hẹriẹ ẹkẹn ivẹ, bẹsiẹ rẹ ayen ihwo ivẹ na vwọ wan otọ yaya vrẹn.

Joshua 4:3

gbe ji urhi kẹ ayen nẹ, Reyọ ibieragha ihwivẹ nẹ uherevie rẹ Jọdan na rhe, vwo nẹ asan na kpekpe na rẹ awọ rẹ irherẹn na mudia phihọ na, re wa ghwa ayen nene oma, re wa ghwẹ ayen phihọ otọ vwẹ asan ru we che won phihọ ason na.

Hibru 11:29

Vwẹ esegbuyota ọye ihwo na vwọ wan Abadi Ọvwavware na vrẹn vwẹ otọ ọyaya; ẹkẹvuọvo otu rẹ Ijipt na, re vwẹ ẹro kere ayen ruọ, de divwi ghwu.

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Ukeri 33:51

Ta kẹ ihwo rẹ Izrẹl, ọke wọ da wan Jọdan vrẹn kpo otọ ri Kenan,

Joshua 4:1

Ọke rẹ ẹgborho na ejobi vwọ wan Jọdan vrẹn nu, Ọrovwohwo da ta kẹ Joshua nẹ,

Joshua 4:22

Ku wọ jẹn emọ na riẹn nẹ, Izrẹl wan Jọdan nana vrẹn vwẹ otọ ọyaya.

Joshua 4:10

Kidie irherẹn na re ghwa ekpeti na de mudia vwẹ uherevie ri Jọdan, bẹsiẹ re emu ejobi rẹ Ọrovwohwo ji urhi rọye kẹ Joshua nẹ ọ ta kẹ ihwo na rhi vwo re, kirobo ri Mosis ta kẹ Joshua ejobi. Okpakpa ihwo na vwọ wanvrẹn;

Joshua 4:11

ọke re ihwo na ejobi vwọ wanvrẹn nu, ekpeti rẹ Ọrovwohwo na kugbe irherẹn na da ka obaro kẹ ihwo na.

Joshua 5:1

Ọke rẹ ivie rẹ ihwo rẹ Amọr ejobi re hẹ obo ovrẹn ri Jọdan vwẹ abọ rẹ obuko ọnre, kugbe ivie rẹ ihwo ri Kenan re dia kẹrẹ oma rẹ Abadi na, vwo nyo nẹ Ọrovwohwo ri ru ame ri Jọdan kpọ yamu rere ihwo rẹ Izrẹl yan wan otọ ọyaya vrẹn, udu rayen da wran, udu gbi rhe ayen awọ-ọ, fiki rẹ ihwo rẹ Izrẹl.