Joshua 24:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin me da reyọ esẹ rẹ ovwan nẹ Ijipt rhe, we de rhi te abadi; ihwo rẹ Ijipt da vwẹ idjighere vẹ ihwo re gua iyesi vwọ tua esẹ rẹ ovwan re te Abadi Ọvwavware na.

Joshua 24:6 Referans Kwoze

Hibru 11:29

Vwẹ esegbuyota ọye ihwo na vwọ wan Abadi Ọvwavware na vrẹn vwẹ otọ ọyaya; ẹkẹvuọvo otu rẹ Ijipt na, re vwẹ ẹro kere ayen ruọ, de divwi ghwu.

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Maika 6:4

Kidie Me reyọ ovwan nẹ otọ rẹ Ijipt rhe, Me da tan ovwan nẹ uwevwi rẹ eviẹn rhe; Me da vwẹ ovwan kẹ Mosis, Erọn, kugbe Miriam.

Une rẹ Ejiro 78:13

O da ghare abadi na ọ da vwẹ ayen wan vrẹn, ọ da nẹrhẹ ukori rẹ ame na mudia kpehre.

Nehemaya 9:11

Wọ da ghine ghare abadi na vwe obaro re ayen, ọtiọye na ayen da wan evun re abadi na vrẹn vwẹ otọ ọyaya; otu re vwọ tua ayen na wọ da kpare ayen phihọ evun rẹ odo, kerẹ ubio-ragha ro she phihọ ọgudu re ame.

Ẹyano 12:51

Vwẹ ẹdẹ yena kpekpekpe na Ọrovwohwo da reyọ ihwo rẹ Izrẹl ejobi nẹ otọ rẹ Ijipt.

Ẹyano 12:37

Ihwo rẹ Izrẹl de mu oyan phihọ nẹ Ramesis kpo Sukọt, ayen kerẹ ihwo odu-esan re vwẹ owọ yan, e kerẹ eya vẹ imitete-e.