Joshua 24:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ me da rha vwẹ Jekọp vẹ Isọ kẹ Aizik. Me da vwẹ orere rẹ ugbenu ri Seir kẹ Isọ nẹ ọ reyọ, ẹkẹvuọvo Jekọp vẹ emo rọye de kpo Ijipt.

Joshua 24:4 Referans Kwoze

Urhi Rivẹ 2:5

we nene ayen họnra-a; kidie Me cha vwẹ otọ rayen kẹ ovwa-an, ẹjo, owenẹ ọ dia amasan rẹ owọ wẹn chiri dede; fikiridie Me vwẹ ugbenu ri Sia kẹ Isọ nẹ ọ dia nure.

Jẹnẹsis 36:8

Kọye Isọ da dia orere rọ enu rẹ ugbenu ri Seir; Isọ na kọye Idọm.

Iruo rẹ Iyinkọn na 7:15

Eriyin na Jekọp da kua kpo obo Ijipt. O de ghwu, te ekpuyovwi rọye kugbe esẹ rẹ avwanre,

Une rẹ Ejiro 105:23

Etiyin Izrẹl da rhe Ijipt; Jekọp de ghoro vwẹ otọ ri Ham.

Jẹnẹsis 32:3

Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm,

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Jẹnẹsis 36:9

Enana keye uvwiẹ rẹ Isọ ọsẹ rẹ Idọm vwẹ obo orere rẹ ugbenu ri Seir.