Joshua 24:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Izrẹl da ga Ọrovwohwo vwẹ ẹdẹ re akpọ ri Joshua ejobi kugbe ẹdẹ rẹ akpo rẹ ekpako na ejobi re tọn nọ Joshua re riẹn iruo rẹ Ọrovwohwo na ru kẹ Izrẹl.

Joshua 24:31 Referans Kwoze

Iguẹdjọ 2:7

Ihwo na da ga Ọrovwohwo vwẹ ẹdẹ ri Joshua ejobi, kugbe ẹdẹ rẹ ekpako na ejobi ri Joshua ghwu jovwo na, re mrẹ iruo ride ejobi rẹ Ọrovwohwo na ru kẹ Izrẹl.

Urhi Rivẹ 31:13

rere emọ rayen, re je riẹ-ẹn vwọ mrasan nyo vwo yono obo ra dje oshọ rẹ Ọrovwohwo rẹ Ọghẹnẹ rẹ ovwan, ọtiobo rẹ ovwan dia otọ na krite rẹ ovwan wan Jọdan vrẹn ra dia na.

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Urhi Rivẹ 11:2

Wọ mẹ riẹn nonẹ na: (kidie ẹdia emọ rẹ ovwan re je riẹ-ẹn, re je mrẹ-ẹ eyẹ mi nene ta ota na-a) karophihọ uyono rẹ Ọrovwohwo Ọghẹnẹ rẹ ovwan na, ọrho rọye, vẹ ogangan rẹ ugbobọ rọye,

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Iruo rẹ Iyinkọn na 20:29

Me riẹnre nẹ ọke mi de kpo nu ikpohrokpo re djoma cha rhe ohri rẹ ovwan, i che jẹ igodẹ na vwo ẹghwọrọ-ọ.

2 Ikun rẹ Ivie 24:2

Joash de ru obo ri yoma vwẹ ẹro rẹ Ọrovwohwo vwi kemu kemu ejobi vwẹ ọke ri Jehoiada orherẹn na.

Urhi Rivẹ 11:7

Ẹkẹvuọvo ibiẹro rẹ ovwan mrẹ iruo ride na ejobi rẹ Ọrovwohwo ruru na.

Jẹnẹsis 14:10

Ushekpotọ ri Sidim na vọnre vẹ egọdọ ri mu avwrogbo, ọke rẹ ivie ri Sodọm vi Gomora vwọ djẹ re, ẹvo de she phihọ egọdọ na, iri chekọ da djẹ kpo obo ugbenu.

Iguẹdjọ 2:6

Ọke ri Joshua vwo siobọ nẹ ihwo na yanran nu, ihwo rẹ Izrẹl dohwo du uku rọye da ra reyọ vwẹ otọ na.

Iguẹdjọ 2:10

Uvwiẹ yena ejobi de ghwu bru esẹ rayen; Etiyin uvwiẹ ọfa de rhi mu kpahe ayen, re riẹn Ọrovwohwo na-a kugbe iruo ro ruru kẹ Izrẹl na-a.

2 Ikun rẹ Ivie 34:33

Josaya de si ekuakua rẹ ẹgua re hẹ ubrotọ na ejobi rẹ ihwo rẹ Izrẹl vwori, o de ru ayen ihwo re dia Izrẹl ejobi nẹ e ga Ọrovwohwo. Vwẹ ọke rọye ejobi na ayen chuko ku Ọrovwohwo Ọghẹnẹ rẹ esẹ raye-en.