Joshua 24:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Joshua de si eta nana phihọ ọbe rẹ urhi rẹ Ọghẹnẹ, ọ da reyọ oragha rode, o de vwo vi vwẹ otọ rẹ ohahe vwẹ ẹshẹ rẹ Ọrovwohwo na.

Joshua 24:26 Referans Kwoze

Iguẹdjọ 9:6

Emọ rẹ orho ri Shikẹm ejobi de sioma koko, kugbe ihwo ri Bẹtmillo, ayen da ra vwẹ Abimẹlẹk mu ovie vwẹ asan ọhahe rọ kẹrẹ osusu vwẹ obi Shikẹm.

Jẹnẹsis 35:4

Etiyin ayen da vwẹ ẹdjọ, erhorha rẹ ayen vwori ejobi kẹ Jekọp, kugbe isa rẹ erhọn rẹ ayen ku phihọ, Jekọp de si ayen nu vwẹ otọ rẹ ọhahe rọ kẹrẹ Shikẹm.

Ẹyano 24:4

Mosis de si eta rẹ Ọrovwohwo na ejobi. O de vrẹn vwẹ irhiọke ride, ọ da so agbada phihọ esiri rẹ ugbenu na, vẹ ichivwo ihwivẹ, kirobo rẹ orua ihwivẹ rẹ Izrẹl epha.

Jẹnẹsis 35:8

Deborah, rẹ ọyọrọmọ ri Rebeka, de ghwu, e de sho vwọ otọ rẹ ọhahe rọ otọ ri Bẹtẹl; kọye o de se odẹ rẹ asan na Allan-bakuth.

Jẹnẹsis 31:45

Etiyin Jekọp da reyọ ubioragha o de muo vi goro.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.