Joshua 24:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ẹkẹvuọvo Joshua da ta kẹ ihwo na, Ovwan sa ga Ọrovwohwo na-a; kidie Ọghẹnẹ ọfuanfon o ruẹ; jẹ Ọghẹnẹ rọ rioma; ọ sa vwẹ ogbeku vẹ imwemwu rẹ ovwan vwo ghovwo ovwa-an.

Joshua 24:19 Referans Kwoze

Aizaya 5:16

Ẹkẹvuọvo Ọrovwohwo rẹ otuofovwi na kọye ọvo a kpare kpenu vwẹ ọsoso, Ọghẹnẹ Ọfuanfon na kọ vwẹ oma rọye phia ọfuanfon vwẹ ọvwata.

Ẹyano 23:21

Kerhọ rọye wo de nyo urhuru rọye, wo muẹ kpahọ-ọ, kidie ọ cha vwẹ oruchọ wẹn ghovwo uwe-e; kidie odẹ mẹ evun rọye.

Une rẹ Ejiro 99:9

Jiri Ọrovwohwo na Ọghẹnẹ rẹ avwanre, ga vwẹ ugbenu ọfuanfon rọye, kidie Ọrovwohwo Ọghẹnẹ rẹ avwanre na ọfuanfon!

Une rẹ Ejiro 99:5

Jiri Ọrovwohwo na Ọghẹnẹ rẹ avwanre, ga vwẹ asan rọ ghwẹ awọ phihọ! Ọfuanfon ọye ọ epha!

Livitikọs 19:2

Ta kẹ ukoko rẹ ihwo rẹ Izrẹl ejobi, Ovwan dia fuanfon kidie Mẹvwẹ Ọrovwohwo rẹ Ọghẹnẹ rẹ ovwan na pha fuanfon.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

1 Samuẹl 6:20

Etiyin ihwo ri Bẹt-shẹmẹsh da ta, ono re sa hẹrhẹ Ọrovwohwo Ọghẹnẹ ọfuanfon nana? Kono avwanre muo rhe ro bi nẹ avwanre oma?

Ẹyano 34:14

(kidie wa ga Ọghẹnẹ ọfa-a, fiki rẹ Ọrovwohwo rẹ odẹ rọye hẹ Omẹriọ na, ọye Ọghẹnẹ rọ rioma).

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 30:11

ji idjerhe na vwo, gbobọnyẹ idjerhe na, wo gbi jẹn avwanre nyo ota rẹ Ọfuanfon Ọvuọvo rẹ Izrẹl na ọfa-a.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

1 Samuẹl 3:14

Fiki rẹ ọtiọye na ki mi duvwu iyori kẹ uwevwi rẹ Eli nẹ izobo re zeri kugbe ẹkpẹvwẹ se phoro orukuruku rẹ uwevwi rẹ Eli na nu bẹdẹ-ẹ.

Rutu 1:15

Ọ da ta, Nighe, ophrophro wẹn rhivwi bru ihwo rọye re, vẹ ẹdjọ rọye: rhivwi kerẹ ophrophro wẹn.

Joshua 24:23

Ọ da ta, Vwẹ ọtiọye na we gbe ku edjọ erhorha na re hẹ ohri rẹ ovwan na kufia, re wa vwẹ udu kpotọ kẹ Ọrovwohwo na, Ọghẹnẹ rẹ Izrẹl.

Livitikọs 20:26

Ke ovwan dia ọfuanfon kẹ vwẹ; kidie mẹvwẹ Ọrovwohwo na pha fuanfon, Me ke rha hẹriẹ ovwan nẹ usun rẹ ihwo ẹvo, rere ovwan vwọ dia ihwo mẹ.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Habakọk 1:13

Wẹ rẹ ẹro rọye fon nọ o rhe ju we vwo ni umiovwo-o, o rhe ju we vwo ni obo re chọre-e, kidie wo rhe nẹ ihwo ri je segbuyota, ru wọ vwọ fọ rẹ ihwo umwemwu vwo mu vwe rọ ohwo rọ dia ọvwata nọ?

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Ẹyano 34:7

Ẹguọnọ ro jẹrhẹriẹ rọye herọ vwọ kẹ ihwo uriori vwo ghovwo orukuruku vẹ urhiegbe vẹ umwemwu, ẹkẹvuọvo o brorhiẹ hwe ohwo rọ re abe rọ reihri rẹ umwemwu rẹ esemọ vwẹ obọ rẹ emọ ra ruẹ emọ rayen ra ro uvwiẹ rerha vẹ ọrẹne.

Livitikọs 20:7

We phorho oma rẹ ovwan re wa fon; kidie Mẹvwẹ Ọrovwohwo Ọghẹnẹ wẹn na.

Joshua 24:18

Ọrovwohwo da djẹ ihwo na nẹ obaro rẹ avwanre, ihwo rẹ Amọr re dia otọ na; vwẹ ọtiọye na avwanre ke ga Ọrovwohwo rhe, kidie Ọghẹnẹ rẹ avwanre o ruẹ.

Une rẹ Ejiro 99:3

Jẹn ayen jiri odẹ wẹn rode ro muoshọ na! Ọfuanfon ọye ọ epha!

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Livitikọs 11:44

Kidie Mẹvwẹ Ọrovwohwo rẹ Ọghẹnẹ wẹn, vwẹ ọtiọye na ovwan gbe phorho oma rẹ ovwan re wọ fon, kidie Me pha fuanfon. Ovwan gbe ẹgua vwi fiki rẹ emu ri biẹyi re shọrọ vwẹ otọ na-a.

Livitikọs 11:45

Kidie Mẹvwẹ Ọrovwohwo rọ reyọ ovwan nẹ otọ rẹ Ijipt rhe, rọ dia Ọghẹnẹ rẹ ovwan; vwẹ ọtiọye na ovwan ke dia fuanfon kidie Me pha fuanfon.

Aizaya 2:9

Etiọye ayen phọphọ ohwo, ayen da vwẹ ihwo gbe otọ– wo vwo ghovwo aye-en!