10 Ohwo ọvo vwẹ ohri rẹ ovwan sa djẹ ihwo uriori, kidie Ọrovwohwo Ọghẹnẹ rẹ ovwan re họnra kẹ ovwan, kirobo ro ve kẹ ovwan.
Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?
Ihwo iyori ke djẹ ujori, ujori rẹ ovwan ke djẹ uriori ihwe; ivwighrẹn re ovwan ejobi kẹ oda e wan ghwu.
Wa djẹ oshọ raye-en kidie Ọrovwohwo Ọghẹnẹ rẹ ovwan na, ọye re họnra kẹ ovwan.
Ọrovwohwo na cha họnre kẹ wẹ, oma ọvo we hwemu.
Sivwi oseghe. E Ọrovwohwo, wọ vẹ ihwo ri nene uvwe sivwi oseghe; họnre ihwo ri nene uvwe họnra!
kidie Ọrovwohwo rẹ Ọghẹnẹ wẹn na ri nene uwe ra, ra họnre ivwighrẹ wẹn na kẹ wẹ, rẹ ọ kẹ wẹ ephio kparobọ.
Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?
Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.
ovwan je mrẹ obo rẹ Ọrovwohwo Ọghẹnẹ wẹn ru kẹ ẹgborho nana ejobi na fiki ovwan, kidie Ọrovwohwo Ọghẹnẹ rẹ ovwan re họnre kẹ ovwan.
Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.
Etiyin Joshua da reyọ ivie nana ejobi vẹ etọ rayen ẹsiẹvuọvo, fikiridie Ọrovwohwo rẹ Ọghẹnẹ rẹ Izrẹl họnre kẹ Izrẹl.
Etiyin ọ da mrẹ ubeku ọkpokpọ rẹ ọhwa rẹ ekẹtẹkẹtẹ ọvo, ọ da reyọ, o de vwo hwe eshare uriori.
Enana edẹ re egba ri Devid vwori. Joshibbasshebẹt ri Tahkemon; ọye yọnrọn oshuẹ rọye vwo hwe ihwo uri ẹne ẹsiẹvo.
Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.
kọ ta kẹ ayen nẹ, Nyo, E Izrẹl, nonẹ na wo sikẹrẹ ivwighrẹ wẹn rere wọ vẹ ayen phi ofovwi re; wo jẹn udu bru we-e; wọ djẹ oshọ-ọ wo jẹn uguegue rayen mu uwe-e,
Ọrovwohwo ko ru ivwighrẹ rẹ ovwan re vwọ so wẹ ejobi she; ayen cha wan idjerhe ọvo bru ovwan rhe ayen ke djẹ wan idjerhe ighwrẹ kpo.
Ọ da tanẹ, Mi si opharo mẹ nu kẹ ayen, Me cha mrẹ obo rẹ oba rayen cha dia, kidie edje ogugunu ayen ruẹ, emọ rẹ uyota hẹ evun raye-en.
Gba nabọ kẹnẹ oma rẹ ovwan, we nyo, re wa guọnọ Ọrovwohwo Ọghẹnẹ rẹ ovwan.
Fikiridie ihwo buebu e hweri, kidie ofovwi na ọ rẹ Ọghẹnẹ. Ayen da dia ẹdia rayen bẹsiẹ e rhi vwo mu ayen kpo imu.
Uriori ke cha mrẹ ohwo ọvo djẹ, ihwo iyori ọvo kọ cha nẹrhẹ owẹ djẹ, bẹsiẹ wẹ ọvo che vwo chekọ kerẹ urhe rẹ aphiana vwẹ enu rẹ ugbenu, kere oka vwẹ enu rẹ ugbenu.
Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.
Ke ovwan cha djẹ ivwighrẹn re ovwan ejobi, ovwan ki hwe ayen ejobi.
Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.