Joshua 21:44 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁴ Ọrovwohwo da vwẹ ufuoma kẹ ayen vwi kabọ kabọ kirobo ro veri kẹ esẹ rayen, ọvweghrẹn rayen ọvuọvo ro se hirhe opharo ku ayen herọ-ọ, kidie Ọrovwohwo phi ivwighrẹn na ejobi phihọ obọ rayen.

Joshua 21:44 Referans Kwoze

Joshua 11:23

Kẹ ọtiọye Joshua wan reyọ otọ na ejobi, kirobo rẹ Ọrovwohwo ta kẹ Mosis, Joshua da vwọ kẹ Izrẹl vwọ riuku kirobo ra ghare ẹkẹn kẹ orua ọvuọvo. Ufuoma da rhe dia otọ na.

Hibru 4:9

Vwẹ ọtiọye na ẹdẹ rẹ omaerovwo ọfa jẹ herọ vwọ kẹ ihwo rẹ Ọghẹnẹ.

Ẹyano 23:31

Ke me cha vwẹ ughwru rẹ ovwan vwo mu nẹ Abadi ọvwavware na re te Abadi ri Filistia nẹ aton na re te Yufretis; kidie mi che phi ihwo rẹ otọ na phihọ obọ wẹn, ke wọ cha djẹ ayen nẹ obaro wẹn.

Joshua 22:9

Etiyin ihwo ri Rubẹn vẹ ihwo ri Gad kugbe abọvo vwẹ orua ri Manasse de rhivwi kpo, ayen da hẹriẹ oma nẹ ihwo rẹ Izrẹl vwi Shiloh, rọ hẹ otọ ri Kenan, vwo kpo otọ ri Gilead, otọ rẹ obọ rayen re ayen vwọ kẹ omobọ rayen vwẹ urhi rẹ Ọrovwohwo wan unu ri Mosis ji.

Joshua 22:4

Asakiephana Ọrovwohwo Ọghẹnẹ wẹn na vwẹ omaerovwo kẹ imoni wẹn, kirobo ro ve kẹ ayen; fiki rẹ ọtiọye na we gbe rhivwi we kpo uwevwi rẹ ovwan vwẹ obo otọ rẹ ughwẹ rẹ ovwan epha, ri Mosis odibo rẹ Ọrovwohwo na vwọ kẹ ovwan vwẹ obo ovrẹn ri Jọdan.

Joshua 1:15

bẹsiẹ rẹ Ọrovwohwo vwọ vwẹ omaerovwo kẹ imoni wẹn kugbe ovwan, ayen ejobi ke ra reyọ ughwẹ rẹ otọ na rẹ Ọrovwohwo Ọghẹnẹ vwọ kẹ ayen na; kẹsiẹye ovwan ki rhivwi kpo otọ rẹ ughwẹ rẹ ovwan, ku we vwo, otọ na ri Mosis odibo rẹ Ọrovwohwo na vwọ kẹ ovwan vwẹ abọ oboyi ri Jọdan vwẹ abọ rẹ ọnre da vacha.

Joshua 1:13

Karophihọ ota ri Mosis odibo rẹ Ọrovwohwo ta kẹ owẹ, tanẹ, Ọrovwohwo Ọghẹnẹ na cha kẹ wẹ asan rẹ omaerovwo, kọ je kẹ wẹ otọ nana.

Ẹyano 33:14

Etiyin ọ da ta, Ekpuyovwi mẹ nene uwe ra, ke me kẹ wẹ urovwoma.

Urhi Rivẹ 21:10

Wọ da kpare ofovwi bru ivwighrẹ wẹn rẹ Ọrovwohwo rẹ Ọghẹnẹ wẹn de phi ayen phihọ obọ wẹn, ru wo de mu ayen ighuvwu,

Joshua 23:1

Ọke krekri vwọ wan nu, rẹ Ọrovwohwo vwọ vwẹ urovwoma kẹ Izrẹl vwẹ oma rẹ ivwighrẹn re riariẹ ayen phihọ nu, yi Joshua ghworo ọ ke rha tọn hẹrẹhẹrẹ,

Aizaya 63:14

Kere uchuru re djẹ rọ iyara, Erhi rẹ Ọrovwohwo da ke ayen urovwoma Ke ọtiọye wo sun ihwo wẹn, re wọ vwọ re odẹ re urinrin kẹ oma wẹn.

Urhi Rivẹ 2:36

Nẹ Aroer, rọ hẹ unu rẹ iyara rẹ Anọn na, ji nẹ orere rọ evun rẹ iyara na, tobọ re te Giliad, o vwo orere ọvuọvo rọ rho nọ kẹ avwanre-e; Ọrovwohwo Ọghẹnẹ rẹ avwanre na phi ayen ejobi phihọ abọ rẹ avwanre.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 2:24

Ayen da ta kẹ Joshua, Uyota Ọrovwohwo phi otọ na ejobi phihọ obọ rẹ avwanre nure; ọ rọ marho udu re bru ihwo na gangan fiki rẹ avwanre.

Joshua 11:8

Ọrovwohwo de phi ayen phihọ obọ rẹ Izrẹl, ayen de hwe ayen ayen da djẹ ayen re te Sidọn Rode kugbe Misrefọtmaim, vwẹ obaro ọnre rhiri re te iyara ri Mizpeh; ayen de hwe ayen, bẹsiẹ rẹ ohwo ọvuọvo gbi chekọ-ọ.

Joshua 11:12

Irere rẹ ivie yena ejobi, kugbe ivie rayen ejobi. Joshua de mu ayen, ọ da vwẹ ọlọkọ hwe ayen, ghwọrọ ayen kakare, kirobo ri Mosis odibo rẹ Ọrovwohwo ji urhi kẹ.

2 Ikun rẹ Ivie 13:16

Ihwo rẹ Izrẹl da mrẹ Juda djẹ, Ọghẹnẹ de phi ayen phihọ obọ rayen.