Joshua 21:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin igbuyovwi rẹ uwevwi rẹ esẹ re ihwo ri Livae de bru Eleazar rẹ orherẹn na rhe kugbe Joshua rẹ ọmọ ri Nọn kugbe igbuyọvwi rẹ uwevwi rẹ esẹ rẹ orua rẹ ihwo rẹ Izrẹl na;

Joshua 21:1 Referans Kwoze

Joshua 14:1

Enana keye uku re Ihwo rẹ izrẹl ghware vwẹ otọ ri Kenan, rẹ Eleazar rẹ orherẹn na, kugbe Joshua rẹ ọmọ ri Nun, vẹ igbuyovwi rẹ uwevwi rẹ esẹ rẹ orua rẹ ihwo rẹ Izrẹl ghare kẹ ayen.

Joshua 19:51

Enana keye uku rẹ Eleazar rẹ orherẹn kugbe Joshua rẹ ọmọ ri Nọn kugbe igbuyovwi rẹ esẹ rẹ iwevwi rẹ orua rẹ ihwo rẹ Izrẹl vwẹ itẹ ghare vwi Shiloh vwẹ obaro rẹ Ọrovwohwo vwẹ anurhoro rẹ utughẹ ra da vwa oma na. Etiyin ayen da ghare otọ na ejobi re.

Joshua 17:4

Ayen de bru Eleazar rẹ orherẹn na rhe kugbe Joshua rẹ ọmọ ri Nọn kugbe isun na, ayen da ta, Ọrovwohwo ji urhi kẹ Mosis nẹ ọ kẹ avwanre uku vwẹ ohri rẹ imoni rẹ avwanre. Kirobo rẹ Ọrovwohwo ji urhi kẹ na ọ da ghare uku kẹ ayen vwẹ ohri rẹ emọ rẹ esẹ rayen.

Ẹyano 6:25

Eleazar, ọmọshare rẹ Erọn da rọvwọ ọmọtẹ rẹ Putiẹl; o de vwiẹ Finehas kẹ. Enana keyen igbuyovwi rẹ uwevwi rẹ esẹ rẹ ihwo rẹ Lẹvi vwẹ oruorua rayen.

Ẹyano 6:14

Enana keye igbuyovwi rẹ iwevwi rẹ esẹ rayen; emọ rẹ Rubẹn rẹ ọmọkpako rẹ Izrẹl: Hanọk, Palu, Hẹzrọn vẹ Karmi: enana keye ekru rẹ Rubẹn.

Jẹnẹsis 49:7

Eka kẹ ophu rayen, kidie ọ ganọ, kẹ ivuemiovwo rayen, kidie ọ branọ; Me ghare ayen phihọ Jekọp ke Me hra ayen vwẹ Izrẹl.

Ukeri 35:1

Ọrovwohwo na da ta kẹ Mosis vwẹ uphẹphẹ ri Moab vwẹ oma ri Jọdan vwi Jẹriko,

Ukeri 35:8

Vwọ kẹ irere ru wo che siobọ nu vwẹ ẹkẹn rẹ ihwo rẹ Izrẹl na, orua rọ rhoro wo mi si ọrhuarho no, orua rọ hanvwere wo mi si otutuno; ọvuọvo kirobo rẹ uku rọye rho te, kẹ ọtiọye o siobọ nu kẹ irere rẹ ihwo ri Livae.