Joshua 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Eshare na da ta kẹ, Arho rẹ avwanre me vwo wene kẹ ovwan! Wo rha vwẹ umẹ nana gbẹ iku-un, avwanre ke nabọ sẹro wẹn dẹndẹn. Vwẹ ọke rẹ Ọrovwohwo da vwẹ otọ na kẹ avwanre.

Joshua 2:14 Referans Kwoze

Matiu 5:7

Ebruba kẹ ihwo ri ni aruẹdọn; kidie ihwo efa ki ji ni aruẹdọn kẹ ayen.

Isẹ 18:24

Igbeyan evo herọ re vwẹ oma ruẹ igbeyan, ẹkẹvuọvo ugbeyan ọvo herọ re kẹrẹ ohwo nọ oniọvo.

Jẹnẹsis 24:49

Vwẹ etinẹ na, ọ da dianẹ wo ghine mu ọghọ kẹ onini mẹ gba ta kẹ vwẹ, ọ rha dia eriyi-in, ta kẹ vwẹ, rere mi ghwe kpo obọrhe eyẹ obọhwẹre.

1 Ivie 20:39

Rẹ ovie na vwọ wanvrẹn, o de kperi se ovie na ọ da ta, odibo wẹn yanran kpo uherevie rẹ ofovwi na; nighere, ohwo rẹ ofovwi ọvo de kuoma rhẹriẹ ọ da vwẹ ohwo ọvo rhe vwe, ọ da ta, Yọnrọn ohwo nana; ọ da dianẹ o ghwruru, ke hwe wẹ sohọ, ọ rha dia ọtiọye ku wọ hwa talẹnt rẹ idọnọ ọfuanfon.

2 Samuẹl 9:1

Devid da ta, a rha sa mrẹ ohwo ọvo ro chekọ vwẹ uwevwi ri Sọl, re mi ru ẹse kẹ fiki ri Jonatan?

1 Samuẹl 20:8

Vwẹ ọtiọye na gba rẹ ehrọre rẹ odibo wẹn, kidie wọ riẹnre nẹ me vẹ owẹ re ọphọ. Ẹkẹvuọvo wọ da mrẹ abe vwẹ obọ mẹ, wẹ ọvo hwe vwe; kidie wọ rha vwẹ ovwẹ rhe ọsẹ wẹn ru?

Joshua 6:25

Ẹkẹvuọvo Rehab rẹ igberadja na, kugbe evwruwevwi rẹ ọsẹ rọye, kugbe ihwo ro vwori ejobi, Joshua de sivwi ayen rhọ, ọ da dia Izrẹl rhiri rhi te nonẹ na, fikiridie o sivwi ikọn ri Joshua jiri re dorhẹ ri Jeriko.

Joshua 6:17

Te orere na kugbe obo re herọ ejobi kẹ a vwẹ ayen ze kẹ Ọrovwohwo rere a ghwọrọ ayen kufia; jokpa ri Rehab rẹ igberadja na ọvo vẹ ihwo rẹ uwevwi rọye ọvo re cha rhọ, kidie o si ikọn re ji rhe na nu.

Joshua 2:13

Wo ji sivwi ọsẹ mẹ vẹ ọni mẹ, iniọvo mẹ re eshare vẹ e rẹ emetẹ, kugbe obo rẹ ayen vwori ejobi, rere wo si avwanre nẹ ughwu.

Joshua 2:15

Etiyin ọ da vwẹ ufi lọrọ ayen wan evakpo na, kidie a bọn uwevwi rọye tamu igbẹhẹ rẹ orere na, kẹ etiyin ọ dia.

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

Joshua 6:22

Joshua da ta kẹ ihwo ivẹ ri re dorhẹ rẹ otọ na, We kpo uwevwi rẹ igberadja na, rere wa reyọ aye na rhe, kugbe ihwo ro vwori ejobi, kirobo ru we duvwu iyori vwọ ke na.

2 Samuẹl 2:5

Devid de ji ikọn bru ihwo ri Jabẹsh Giliad ra ọ da ta kẹ ayen, E jẹn Ọrovwohwo bruphihọ kẹ ovwan, kidie we ru ẹse nana vwọ kẹ ọrovwovwan, Sọl ri we vwo sho.

2 Samuẹl 2:6

Asakiephana Ọrovwohwo vwẹ ivuẹvwerhọ ro jẹrhẹriẹ vẹ uyota vwọ kẹ ovwan ki mi ru emu esiri kẹ ovwan kidie we ru emu nana.

Isẹ 14:22

Ihwo re jẹ iroro umwemwu rhe ruẹ chọ? Ihwo re jẹ iroro esiri ke mrẹ oma evwokpotọ vẹ esegbuyota.

Iruo rẹ Iyinkọn na 23:22

Onotu na da de siobọ nẹ emeghene na kpo, ọ da ta kẹ nẹ, Wọ ta kẹ ohwo ọvuọvo nẹ wọ vuẹ vwẹ ọnana-a.