Joshua 18:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Joshua da ta ke ihwọ re Izrẹl, mavọ ovwan mudia krite wa ke ra reyọ otọ na, rẹ Ọrovwohwo, Ọghẹnẹ rẹ esẹ rẹ ovwan na, vwọ kẹ ovwan?

Joshua 18:3 Referans Kwoze

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Iguẹdjọ 18:9

Ayen da ta nẹ, Vrẹn, rere avwanre ra họnre ayen; kidie avwanre mrẹ otọ na nure, nighe, otọ na yovwi emu gangan. O vwo emuọvo we se ru-u? Ovwan jọphẹre, rere a ra reyọ otọ na.

Matiu 20:6

Rẹ ọnre vwo vi gẹre, ọ da ro otafe, ọ da je mrẹ ihwo efa ri mudia; ọ da ta kẹ ayen nẹ, Die ovwan vwo jẹ emuọvo e ruo vwẹ ẹdẹ na ejobi?

Isẹ 15:19

Idjerhe rẹ ọvwiẹrẹ diẹn gbe vẹ idjigbẹn, ẹkẹvuọvo idjerhe rẹ ohwo esiri ọye idjerhe rode ra nabọ rẹ.

Isẹ 10:4

Obọ rẹ ọvwiẹrẹ ghwa ogbere cha, ẹkẹvuọvo obọ rẹ ọgba me rha ghwa efe rhe.

Zẹfanaya 3:16

Vwẹ ẹdẹ yena kọ ta kpahe Jerusalẹm, wọ djẹ oshọ-ọ, E Zayọn, wọ jẹn abọ rhọ wẹ-ẹn.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Joshua 18:2

Yẹ orua ighwrẹn rẹ ihwo rẹ lzrẹl ji chekọ ra je ghare uku raye-en.

Joshua 18:4

We phi ihwo erherha phihọ otọ vwẹ orua ọvuọvo, rere mi ji ayen re ki otọ na, re ayen dje obo rẹ otọ na epha rere uku na vwo ja ghare kẹ ayen, tavwe rẹ ayen ki bru vwe rhe.

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 13:1

Asakiepbana Joshua nabọ ghwore, Ọrovwohwo da ta ke, Wọ ghworo yẹyẹghẹ re, yẹ otọ buebu je herọ ra je kua-a.