Joshua 17:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ evun rẹ otọ rẹ Issaka vẹ Asha na Manasse de rhe vwo Betshean vẹ ẹko rọye, kugbe Ibleam vẹ ẹko rọye, kugbe ihwo re dia. Dọ vẹ ẹko rọye, kugbe ihwo re dia Endor vẹ ẹko rọye, kugbe ihwo re dia Taanak vẹ ẹko rọye, kugbe ihwo re dia Megiddo vẹ eko rọye; ọrerha ki Nafat.

Joshua 17:11 Referans Kwoze

1 Ikun rẹ Ivie 7:29

ji te ughwru rẹ ihwo ri Manasse, Betshean kugbe irho rọye, Taanak vẹ irho rọye, Megido vẹ irho rọye, Dọr vẹ irho rọye. Evun rẹ enana emọ ri Josẹf rẹ ọmọ rẹ Izrẹl diare.

Ivie rẹ Ivẹ 9:27

Ọke rẹ Ahazaya ovie ri Juda vwọ mrẹ ọnana, ọ da djẹ garo vi Bethagan. Jehu da vwọ tua, ọ da ta, Je sa, ayen da sa vwẹ evun rẹ akpẹrẹ na vwẹ asan ugbenu ri Gọr rọ kẹrẹ Ibliam. Ọ da djẹ kpo Megido, o de ghwu vwẹ oboyi.

Iguẹdjọ 5:19

Ivie na da rhe, ayen da họnre; Etiyin ayen de phi ivie ri Kenan, vwẹ obi Taanak, vwẹ orhoma rẹ urhie ri Megiddo, ayen mrẹ idọnọ ghwẹ no-o.

Iguẹdjọ 1:27

Manasse djẹ ihwo ri Bẹtshean kugbe ẹko rọye no-o, eyẹrẹ Taanak kugbe ẹko rọye, eyẹrẹ ihwo ri Dọr kugbe ẹko rọye, eyẹrẹ ihwo rẹ Ibleam kugbe ẹko rọye, eyẹrẹ ihwo ri Megiddo kugbe ẹko rọye; ẹkẹvuọvo ihwo ri Kenan rhọvwe kua nẹ otọ na-a.

Joshua 12:23

ovie ri Dọ vwi Nafatdọ, ọvo; ovie ri Goiim vwi Galili, ọvo,

Une rẹ Ejiro 83:10

ra ghwọrọre vwẹ Ẹndọr, ri hirhe phihọ isọn kẹ otọ na.

1 Ivie 9:15

Ọnana kọye unu rẹ arhọghọ rẹ Solomọn tori vwọ bọn uwevwi rẹ Ọrovwohwo na vẹ uwevwi rẹ obọ rọye kugbe Milo na kugbe igbẹhẹ ri Jerusalẹm kugbe Hazọr Mẹgido kugbe Geza

1 Samuẹl 31:10

Ayen da ghwa ekuakua rẹ ofovwi rọye phihọ uwevwi rẹ Ashra; ayen de churu orivwi rọye si igbẹhẹ ri Bẹtshan.

1 Samuẹl 28:7

Etiyin Sọl da ta kẹ idibo rọye, Wa guọnọ aye rọ dia ọboerivwi kẹ vwẹ, re mi bro ra re duotọ rọye vwẹ obọ rọye. Idibo rọye da ta kẹ, Nighe, Ọboerivwi ọ hẹ obo Ẹndọr.

Joshua 11:2

kugbe ivie rẹ obohwẹre ọnre vwẹ obo orho rẹ igbenu na, kugbe obo Araba vwẹ obọrhe ọnre vwi Kinẹrọt, kugbe obo ushekpotọ, kugbe Nafotodor vwẹ obuko ọnre,

Zekaraya 12:11

Omemuohọ vwi Jerusalẹm vwẹ ẹdẹ yena kọ họhọ oma rẹ mu phihọ kẹ Hadadrimmọn vwẹ uphephẹ ri Mẹgiddo.

2 Ikun rẹ Ivie 35:22

Dede na Josaya rha kerhọn ro de rhivwi-i, ẹkẹvuọvo o de wene oma rere ọ vwọ mrẹ asan họnrọ. Ọ rha kerhọn rẹ eta ri Niko-o ri nẹ unu rẹ Ọghẹnẹ rhe, ẹkẹvuọvo ọ vẹ ọye de re mu ofovwi na chivwi vwẹ uphẹphẹ ri Megiddo.

1 Ikun rẹ Ivie 6:70

Vwẹ ubro rẹ orua ri Manasse, Aner vẹ otọ rẹ egbri rọye, kugbe Bileam vẹ otọ rẹ egbri rọye, vwọ kẹ uvwiẹ ri chekọ vwẹ ihwo ri Kohat.

1 Samuẹl 31:12

ihwo ri yivwaro vwọ ejobi de vrẹn, vwẹ evun rẹ ason, ra reyọ orivwi ri Sọl kugbe ọ rẹ emọ rọye nẹ lgbẹhẹ ri Bẹtshan rhe; ayen rhi vwo te Jabẹsh ayen da torhẹ ayen vwe etiyin.

Joshua 16:9

vẹ irho re phihọ ovwarhe vwọ kẹ ihwo rẹ Ifrem vwẹ evun rẹ ukueriọ ri Manasse, irho yena vẹ ẹko rayen.

Joshua 12:21

ovie ri Taanak, ọvo, ovie ri Mẹgido, ọvo,

Joshua 17:10

otọ rọ obọrhe ọnre kọ rẹ Ifrem ọ rọ obọhwẹre ọnre kọ ri Manasse, abadi na kọye ughwru rọye; vwẹ obọhwẹre ọnre kọ rẹ Asher, vwẹ obaro ọnre kẹ Issaka.

Joshua 17:16

Orua ri Josẹf da ta nẹ, orho rẹ ugbenu na rho te kẹ avwanre-e, ye ihwo ri Kenan re dia obo uphephe na vwo idjighere rẹ utehru, te e rẹ Betshean vẹ ẹko rọye kugbe e rẹ obo iyara ri Jezreel.

2 Samuẹl 21:12

Devid da yanran ra reyọ ibeku ri Sọl kugbe ọ ri Jonatan rẹ ọmọ rọye mie ihwo ri Jabesh Gilead ri cho ayen ne urhuvwu ri Betshan, asan rẹ ihwo ri Filistia de churu ayen si, vwẹ ẹdẹ rẹ ihwo ri Filistia vwo hwe Sọl vwi Gilboa.

Jerimaya 49:2

Ọtiọye na, gbe nighe, ede cha, eriyin Ọrovwohwo tare, ri mi che vwo ruo re de nyo edo rẹ ofovwi kpahe Rabba rẹ ihwo rẹ Amọn, ọ che hirhe phihọ ẹrhẹnre rẹ ekpẹn ofefe, a cha vwẹ erhanre torhẹ ighwre rọye, kẹsiẹye Izrẹl ke kua ihwo re kuarọ jovwo na, eriyin Ọrovwohwo tare.