Joshua 15:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ughwru na da rha wan oma rẹ iyara rẹ ọmọ ri Hinnọm vwẹ asan eghwabọ ri Jebu (ọye Jerusalẹm), ughwru na da wan kpo obenu rẹ ugbenu rẹ abọ oboyi re iyara ri Hinnọm, vwẹ obuko ọnre, vwẹ oba rẹ obọhwẹre ọnre vwẹ iyara ri Rifaim;

Joshua 15:8 Referans Kwoze

Joshua 18:16

etiyin ughwru na de rhe mu rheotọ vwẹ oma rẹ ugbenu na ro hirhe aro ku iyara re emọ ri Hinnọm, rọ obo oba vwẹ obọhwẹre ọnre vwẹ iyara ri Refaim; o da rha yanran rhi te iyara ri Hinnọm, vwẹ obọrhe ọnre vwẹ eghwabọ rẹ ihwo ri Jẹbu, rha ghwrọrọ rheotọ rhi te Enrogẹl;

Joshua 15:63

Ẹkẹvuọvo ihwo ri Jebu, ihwo re dia Jerusalẹm, ihwo ri Juda sa djẹ ayen no-o; koye ihwo ri Jebu vẹ ihwo ri Juda da dia vwi Jerusalẹm rhi te nonẹ na.

Iguẹdjọ 19:10

Ẹkẹvuọvo, ọshare na rhọvwere-e. O de vrẹn, o de rhi te asan ro hirhe aro ku Jebu (kọye Jerusalẹm). Ọ vẹ ekẹtẹkẹtẹ ivẹ rọ vwọ gua, kugbe ọnse rọye na.

Joshua 18:28

Zela, Haelef, Jebu (kọye, Jerusalẹm), Gibeah kugbe Kiriatjearim irere ihwẹne vẹ eko rayen. Ọnana kọye ẹkẹn uku rẹ orua ri Benjamin kirobo rẹ ekru rayen epha.

Ivie rẹ Ivẹ 23:10

O de gbe Tofet ẹgua, rọ hẹ evun rẹ iyara rẹ emọ ri Hinọm, rere ohwo ọvuọvo vwo jẹ ọmọshare rọye eyẹ ọmọtẹ rọye ẹ vwọ tọn vwo ze izobo kẹ Molẹk.

Iguẹdjọ 1:21

Ẹkẹvuọvo ihwo ri Bẹnjamin djẹ ihwo ri Jebu re dia Jerusalẹm no-o, ọtiọye na ihwo ri Jebu ve ihwo ri Bẹnjamin da dia kugbe vwi Jerusalẹm rhi te edẹ ri nonẹ.

Jerimaya 19:14

Etiyin Jerimaya de nẹ Tọfẹt rhe, obo rẹ Ọrovwohwo jiro ra nẹ ọ ra mraro na, ọ de mudia ọguan rẹ uwevwi rẹ Ọrovwohwo, ọ da ta kẹ ihwo na ejobi;

Jerimaya 19:6

Ọtiọye na, nighe, ẹdẹ cha, eriyin Ọrovwohwo tare, re gbi se etinẹ na Tọfẹt ọfa-a, eyẹ Iyara ri Hinnọm ọfa-a, ẹkẹvuọvo ke se nẹ Iyara re de hwe ihwo.

Jerimaya 19:2

wọ yan kpọ Iyara rẹ Hinnọm vwẹ asan anurhoro rẹ Igbephẹre na, wo dia etiyin de ghwoghwo eta re me ta kẹ wẹ na.

Aizaya 17:5

Ke cha họhọ ọke rẹ ọkọreka da kọrọ eka ri mudia ra da ghwẹ ayen koko eghwabọ rọyen, kerẹ ẹsiẹn rẹ ohwo a da kọrọ eka vwẹ Iyara ri Rifaim.

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

2 Samuẹl 5:22

Filistia da rhuẹrẹ rhe, ayen da ghare oma phihọ iyara ri Refaim.

2 Samuẹl 5:18

Filistia da ghare oma phihọ iyara ri Refaim.

Iguẹdjọ 1:8

Eshare ri Juda da họnre Jerusalẹm, ayen da reyọ, ayen da vwẹ ọlọkọ guọghọ, ayen da vwẹ erhanre torhẹ orere na.

1 Ikun rẹ Ivie 11:4

Devid vẹ Izrẹl ejobi de kpo Jerusalẹm, ọye Jebu, asan rẹ ihwo ri Jebu epha jovwo, ihwo re dia otọ na.

Nehemaya 11:30

Zanoa, Adulam, ve ẹkpo ri Lakish ve udju rọye, kugbe Azeka ve ẹkpo rọye. Ọtiọye na ayen de mu erhọn nẹ Bẹẹrsheba re te iyara ri Hinọm.