Joshua 15:46 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁶ nẹ Ekrọn re te obo abadi na, obo oma rẹ Ashdod, vẹ eko rayen ejobi.

Joshua 15:46 Referans Kwoze

Emọs 1:8

Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Aizaya 20:1

Vwẹ ukpe yena rẹ onotu rẹ ofovwi rode, ri Sargọn ovie rẹ Asiria jiri, da rhe Ashdọd rhe họnrọ, ọ da reyọ,

2 Ikun rẹ Ivie 26:6

Ọ da yanran ra họnre ihwo ri Filistia, o de kporọ igbẹhẹ ri Gat she kugbe igbẹhẹ ri Jabneh kugbe igbẹhẹ rẹ Ashdọd; ọ da bọn irere phihọ ubrakpọ rẹ Ashdọd kugbe asan efa vwẹ otọ ri Filistia na.

1 Samuẹl 5:6

obọ rẹ Ọrovwohwo da rhe tua kpahe ihwo rẹ Ashdọd, ọ da djẹ oshọ mu ayen ọ da vwẹ irubeto mu ayen, te Ashdọd vẹ aghwa rọye ejobi.

1 Samuẹl 5:1

Ọke rẹ ihwo ri Filistia vwo mu ekpeti rẹ Ọghẹnẹ na, ayen de muo nẹ Ebẹnezar kpo Ashdọd;

Joshua 11:22

Ohwo rẹ Anakim ọvuọvo gbi chekọ vwẹ otọ rẹ ihwo rẹ Izrẹl na-a; jokpa ri Gaza, Gat, vẹ Ashdod, eye evo de chekọ.

Joshua 15:45

Ekrọn, vẹ irho rọye vẹ eko rayen,

Joshua 15:47

Ashdod, irho rọye vẹ eko rọye, Gaza, irho rọye vẹ eko rọye, re te eterhẹ rẹ Ijipt, vẹ abadi rode na vẹ erhuru rọye.