Joshua 11:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọrovwohwo de phi ayen phihọ obọ rẹ Izrẹl, ayen de hwe ayen ayen da djẹ ayen re te Sidọn Rode kugbe Misrefọtmaim, vwẹ obaro ọnre rhiri re te iyara ri Mizpeh; ayen de hwe ayen, bẹsiẹ rẹ ohwo ọvuọvo gbi chekọ-ọ.

Joshua 11:8 Referans Kwoze

Joshua 13:6

Ihwo re dia obo orere rẹ ugbenu nẹ Lebanọn re te Misrefotmaim, tobọ ihwo ri Sidọn ejobi. Mẹvwẹ ọvo re cha dje ayen no kẹ ihwo rẹ Izrẹl, emu ọvo wo che ru ọ na, ku wọ ghare otọ na kẹ Izrẹl vwọ riuku, kirobo ri mi ji urhi kẹ wẹ.

Joshua 19:28

Ebrọn, Rehob, Hammon, Kanah, rhiri re te Sidọn Rode.

Zekaraya 9:2

Ji te Ramat ro gbere ughwru na, Taya vẹ Saidọn, owenẹ ayen ghwanre dede.

Joshua 21:44

Ọrovwohwo da vwẹ ufuoma kẹ ayen vwi kabọ kabọ kirobo ro veri kẹ esẹ rayen, ọvweghrẹn rayen ọvuọvo ro se hirhe opharo ku ayen herọ-ọ, kidie Ọrovwohwo phi ivwighrẹn na ejobi phihọ obọ rayen.

Joshua 11:3

re te Kenan vwẹ obaro ọnre vẹ obuko ọnre, ihwo rẹ Amọr, ihwo ri Hẹt, ihwo ri Periz, kugbe ihwo ri Jebu vwẹ obo orho rẹ ugbenu, kugbe ihwo ri Hiv re hẹ otọ ri Hermọn vwẹ otọ ri Mizpah.

Jẹnẹsis 49:13

Zẹbulọn obo erhuru ọ cha dia, Etiyin eko che gbo phihọ, ughwru rọye ki Zidon ọ dia.

Jẹnẹsis 10:15

Kenan kọye ọsẹ ri Sidọn, ọmọkpako rọye, kugbe Hẹt,

Joshua 11:7

Ọtiọye na Joshua kọ rhe ro ayen kpregede ọ vẹ ihwo rẹ ofovwi rọye ejobi, vwẹ asan ame ri Mẹrọm, ayen da họrhọ ro ayen.

Aizaya 23:4

Jẹn oma vowẹ, E Sidọn, kidia abadi ta ota re, asan ọgangan rẹ urhie, tare nẹ Me je chuẹ uvwiẹ dẹvo vwo sievo kẹ uvwiẹ-ẹ, Me je ghẹrẹ imighene vwo siẹvo kẹ emetobẹ-ẹ.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Urhi Rivẹ 9:3

Vwẹ ọtiọye na ko wọ riẹn nonẹ na, nẹ Ọrovwohwo Ọghẹnẹ wẹn na ohwo rọ wan vrẹn karo kẹ wẹ kerẹ erhanre rọ ghwọrọ; ọ cha ghwọrọ ayen, ọ cha vwẹ ayen totọ vwẹ obaro wẹn; eriyin wọ cha djẹ ayen phia, wo mi ru ayen re ghwọrọ phẹrẹkpẹ, kirobo rẹ Ọrovwohwo ta kẹ wẹ vẹrhe.

Joshua 10:20

Ọke ri Joshua vẹ ihwo rẹ Izrẹl na vwo hwe ihwo na gangan nure, bẹsiẹ re rhi vwo hwe ayen ejobi re, ọke rẹ umuku rẹ ihwo ri chekọ rhi vwo rhivwi ro irere rayen nu;

2 Samuẹl 24:6

Etiyin ayen de rhi te Giliad vẹ Kadẹsh vwẹ otọ ri Hẹt ayen de rhi te Dan, ayen da yan riariẹ Sodon,