Joshua 11:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Kidie ọnana irueru rẹ Ọrovwohwo rere o ru udu rayen gan re ayen kpare ofovwi bru ihwo rẹ Izrẹl, rere a vwọ mrẹ asan vwọ ghwọrọ ayen kakare, aro rẹ ayen gbe dọ ohwo-o ẹkẹvuọvo ke hwerhe ayen nẹ otọ na kakare, kirobo rẹ Ọrovwohwo ji urhi kẹ Mosis.

Joshua 11:20 Referans Kwoze

Ọbe ri Pọl si rhe Ihwo ri Rom 9:18

Vwẹ ọtiọye na ohwo ro jere o nẹ arodọvwẹ kẹ, ọ ro jere o mi rhe ru udu rọye gan.

Ẹyano 4:21

Ọrovwohwo da ta kẹ Mosis, ọke wo de te obo Ijipti, wo mi ru emu rẹ igbunu na ejobi kẹ Fẹro mrẹ, e re me vwẹ ogagan rọye kẹ wẹ nẹ wo ru na. Ẹkẹvuọvo mi che ru udu rọyen gan, ọtiọye o rhe che siobọ nẹ ihwo na kpoo.

Urhi Rivẹ 7:16

Wọ Me ghwọrọ ihwo ejobi rẹ Ọrovwohwo Ọghẹnẹ wẹn che sun rhe we na; wo nẹ arodọvwẹ raye-en; wọ je ga ẹdjọ raye-en; kidie ọye cha dia ufi kẹ wẹ.

Urhi Rivẹ 2:30

Ẹkẹvuọvo Sihọn ovie ri Hẹshbọn rhọvwere nẹ avwanre wan vrẹ-ẹn kidie Ọrovwohwo Ọghẹnẹ wẹn na ru udu rọye gangan, o de ji ru erhi rọye gan, rere Ọ vwọ mrasan phio phihọ obọ wẹn ọtiobo rọ epha nonẹ na.

Iguẹdjọ 14:4

Ọsẹ vẹ oni rọye gbe riẹn nẹ obọ rẹ Ọrovwohwo ọye emu na nurhe-e; fikiridie ọ guọnọ idjerhe ro vwo nene Filistia na họnre Kidie ihwo ri Filistia vwẹ ogangan sun Izrẹl vwẹ ọke yena.

Ẹyano 14:17

Ki mi che ru udu rẹ ihwo rẹ Ijipt na gan, rere ayen ruọ nene ayen ki mi vwo urinrin vwẹ enu ri Fero vẹ urogho rọye, vwẹ enu rẹ akpẹrẹ rọye, vẹ ihwo re gua iyesi rọye.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

1 Ivie 12:15

Ọtiọye na ovie rha davwerhọ rẹ ihwo na-a, kidie ọye obo rẹ Ọrovwohwo ruru rere ota rọye vwọ sẹ, rẹ Ọrovwohwo wan unu rẹ Ahijah ohwo ri Shilo ta kẹ Jeroboam ọmọ ri Nebat.

1 Samuẹl 2:25

ọ da dianẹ ohwo ru umwemwu kpahe ohwo, Ọghẹnẹ kọye re rhuẹrẹ ayen phihọ ẹkẹvuọvo ohwo de rhe ru umwemwu kpahe Ọrovwohwo, kono re rẹ orẹ kẹ? Ẹkẹvuọvo ayen gbe kerhọ rẹ urhuru rẹ ọsẹ raye-en; kidie ẹguọnọ rẹ Ọrovwohwo rere ọ vwọ teyọ ayen hwe.

Ẹyano 9:12

Ẹkẹvuọvo Ọrovwohwo de ru udu ri Fero gan, ọ rha kerhọ raye-en; kirobo rẹ Ọrovwohwo ta kẹ Mosis.

Ẹyano 10:1

Etiyin Ọrovwohwo da ta kẹ Mosis, Yanran bru Fero, kidie mi ru udu rọye gan kugbe udu rẹ idibo rọye, rere me vwọ vwẹ eka mẹ nana phia vwẹ ohri rẹ ayen,

Ẹyano 11:10

Mosis vẹ Erọn de ru igbunu nana ejobi vwẹ obaro ri Fero, Ọrovwohwo de ru udu ri Fero gan, o rhe siobọ nẹ emọ rẹ Izrẹl kpo nẹ otọ na-a.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 14:8

Ọrovwohwo de ru udu ri Fero ovie rẹ Ijipt gan ọ da vwọ tua ihwo rẹ Izrẹl na rẹ ayen vwọ yanran vẹ udu gbae.

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

2 Ikun rẹ Ivie 22:7

Ẹkẹvuọvo Ọghẹnẹ vere phihọ otọ nẹ eshe rẹ Ahazaya obo ri Joram rọ djẹ ẹrara na o che nurhe. Kidie ọke ro de te etiyin ọ vi Jehoram me vwa Jebu ọmọ ri Mimshi, ohwo rẹ Ọrovwohwo vwo mu nẹ ọ ra guọghọ uwevwi rẹ Ehab.

Aizaya 14:24

Ọrovwohwo rẹ otuofovwi kpokpa nure Obo ri mi roro phihọ, eriyin ọ cha dia, obo me tanẹ ọ dia ọtiọye o mudia phihọ,

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe