Joshua 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin Joshua da reyọ etọ yena ejobi, orho rọ obo ugbenu na ejobi kugbe Nẹgeb vẹ etọ ri Goshẹn ejobi kugbe obo ushekpotọ na kugbe Araba ra ro irho rẹ obo ugbenu rẹ Izrẹl kugbe ishekpotọ rọye na,

Joshua 11:16 Referans Kwoze

Joshua 10:41

Joshua de phi ayen kua nẹ Kadeshbarnea re te Geza, vẹ orho ri Goshẹn ejobi, rhiri re te Gebeọn.

Joshua 12:8

vwe obo orere rẹ ugbenu na, vwe obo ushekpotọ na, vwẹ evun rẹ Araba na, te oghwrọrọ na, vwẹ evun rẹ aton na, vwẹ obo Negeb, otọ re ihwo ri Hẹt, ihwo re Amọr, ihwo ri Kenan, ihwo ri Pẹriz, ihwo ri Hiv, kugbe ihwo ri Jebu)

Joshua 11:21

Joshua da rhe vwẹ ọke yena, ọ da rhe djẹ ihwo rẹ Anakim nẹ orho rẹ ugbenu na, nẹ Hebrọn, nẹ Debir, nẹ Anab, ji nẹ irho rẹ ugbenu ri Juda, ji nẹ irho rẹ ugbenu rẹ Izrẹl; Joshua da guọghọ ayen vẹ irere rayen ejobi.

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.

Izikiẹl 17:23

Vwẹ obenu rẹ ugbenu rẹ Izrẹl Me cha kọn phihọ, rere ọ vwọ tan eghọn buebu rọ mọ emamọ, rere o rhi hirhe phihọ uvi rẹ urhi rẹ igedu, obotọ rọye kọye koka koka rẹ eranvwe cha dia, vwẹ ophie rẹ eghọn rọye kọye kọphran kọphran cha bọn ẹho phihọ.

Joshua 11:2

kugbe ivie rẹ obohwẹre ọnre vwẹ obo orho rẹ igbenu na, kugbe obo Araba vwẹ obọrhe ọnre vwi Kinẹrọt, kugbe obo ushekpotọ, kugbe Nafotodor vwẹ obuko ọnre,

Joshua 9:1

Ọke rẹ ivie na ejobi ri obo ovrẹn ri Jọdan vwe obo orho rẹ igbenu na kugbe e re obo oghwrọrọ na vwẹ obo erhuru ro oma rẹ Abadi Rode na rọ hẹ obi Lebanọn na, ihwo ri Hẹt, ihwo rẹ Amọr, ihwo ri Kenan, ihwo ri Periz, ihwo ri Hiv, kugbe ihwo ri Jebu, vwo nyo ọnana,

Joshua 10:40

Ọtiọye Joshua phi otọ na ejobi kua, orho rọ obenu rẹ ugbenu na kugbe Negẹb vẹ etọ rẹ hẹ obo ọghwrọrọ na, vẹ ivie rayen, ọ yan jẹ ọvuọvo vwo-o, ẹkẹvuọvo ọ da guọghọ obo re nwẹn vwo ejobi, kirobo rẹ Ọrovwohwo Ọghẹnẹ rẹ Izrẹl ji urhi kẹ.

Joshua 11:15

Kirobo rẹ Ọrovwohwo ji urhi kẹ Mosis odibo rọye, ọtiọye Mosis ji ji urhi ki Joshua, kẹ ọtiọye Joshua ruru; ọ jẹ emu ọvuọvo vwo-o vwẹ usun rẹ emu rẹ Ọrovwohwo ji urhi ki Mosis nẹ o ru na-a.

Une rẹ Ejiro 78:55

Ọ da djẹ ẹgborho nẹ obaro kẹ ayen; ọ da ghare otọ na ẹkuẹko kẹ ayen ọ da vwẹ itughẹ royen vwọ kẹ orua rẹ Izrẹl dia.

Une rẹ Ejiro 105:44

Ọ da vwẹ otọ rẹ ẹgborho na kẹ ayen; ayen da reyọ eyere rẹ emamọ rẹ ihwo na wian phihọ,

Urhi Rivẹ 1:7

wa rhẹriẹ oma re we mu oyan rẹ ovwan phihọ, re wo kpo ugbenu rẹ Amọr vẹ asan kasan rọ kẹrẹ ejobi, vwẹ Araba, vwẹ evun rẹ ugbenu na, vẹ iyara na, vi Nẹgẹb, kugbe orhoma rẹ abadi, re hẹ otọ rẹ ihwo ri Kenan, vi Lẹbanọn, re te urhie rode na, urhie ri Yufretis.