Joshua 11:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ekuakua rẹ Irere na ejobi kugbe ichuru re ayen, ihwo rẹ Izrẹl de mu ayen reyọ kẹ oma rayen, ẹkẹvuọvo ayen da vwẹ ọlọkọ hwe ohwo kohwo, bẹsiẹ rẹ ayen vwọ ghwọrọ ayen re, ayen yan jẹ obo re nwẹn vwo-o.

Joshua 11:14 Referans Kwoze

Joshua 11:11

Ayen da vwẹ ọlọkọ hwe ihwo re herọ, a da ghwọrọ ayen ejobi; o vwo emu ọvuọvo rọ nwẹn re jovwo-o, ọ da tọrhe Hazọr.

Joshua 10:40

Ọtiọye Joshua phi otọ na ejobi kua, orho rọ obenu rẹ ugbenu na kugbe Negẹb vẹ etọ rẹ hẹ obo ọghwrọrọ na, vẹ ivie rayen, ọ yan jẹ ọvuọvo vwo-o, ẹkẹvuọvo ọ da guọghọ obo re nwẹn vwo ejobi, kirobo rẹ Ọrovwohwo Ọghẹnẹ rẹ Izrẹl ji urhi kẹ.

Joshua 8:27

Jokpa rẹ uchuru vẹ ekuakua re hẹ evun rẹ orere na ọye Izrẹl ghwẹ reyọ, kerẹ urhi rẹ Ọrovwohwo ji kẹ Joshua.

Urhi Rivẹ 20:14

ẹkẹvuọvo eya vẹ imitete na, te uchuru, vẹ emu kemu efa re hẹ evun rẹ orere na, ekuakua rayen ejobi, wọ ghwẹ ayen reyọ kẹ oma rẹ ovwan; wọ Me re ekuakua rẹ ivwighrẹ wẹn, rẹ Ọrovwohwo rẹ Ọghẹnẹ vwọ kẹ wẹ na.

Ukeri 31:9

Ihwo rẹ Izrẹl de mu eya ri Midian ighuvwu kugbe imitete rayen; ayen da ghwẹ uchuru rayen reyọ, igodẹ rayen, kugbe ekuakua rayen ejobi,

Urhi Rivẹ 20:16

Ẹkẹvuọvo irere rẹ ihwo nana Ọrovwohwo rẹ Ọghẹnẹ wẹn kẹ wẹ vwọ riuku na, emu kemu rọ nwẹn vwọ wo sivwo-o,

Joshua 11:13

Ẹkẹvuọvo o vwo orere ọvuọvo ro mudia phihọ enu rẹ ẹkuẹbe rẹ Izrẹl ghwọre-e, jokpa ri Hazọr ọvo; ri Joshua torhẹre.

Joshua 11:15

Kirobo rẹ Ọrovwohwo ji urhi kẹ Mosis odibo rọye, ọtiọye Mosis ji ji urhi ki Joshua, kẹ ọtiọye Joshua ruru; ọ jẹ emu ọvuọvo vwo-o vwẹ usun rẹ emu rẹ Ọrovwohwo ji urhi ki Mosis nẹ o ru na-a.

Joshua 8:2

ku wo ru kẹ Ai vẹ ovie roye kirobo ru wo ru ki Jeriko kugbe ovie roye, jokpa rẹ ekuakua rọye vẹ uchuru rọye ọvo wọ reyọ kẹ oma wẹn; ra hwa phihọ hẹrhẹ orere na, vwẹ obuko roye.

2 Ikun rẹ Ivie 20:25

Ọke ri Jehoshafat vẹ ihwo rọye vwọ rhe rhe ghwẹ ekuakua rẹ ayen reyọ, ayen da mrẹ uchuru buebu gbidi, ekuakua, emwa, kugbe erọvwọ eghaghare, ayen da ghwẹ reyọ bẹsiẹ rọ rhe vwọ bẹn ayen. Ẹdẹ erha soso ọye ayen ghwẹ ekuakua na, kidie i bunọ.