Joshua 10:42 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴² Etiyin Joshua da reyọ ivie nana ejobi vẹ etọ rayen ẹsiẹvuọvo, fikiridie Ọrovwohwo rẹ Ọghẹnẹ rẹ Izrẹl họnre kẹ Izrẹl.

Joshua 10:42 Referans Kwoze

Joshua 10:14

O rhe vwo ẹdẹ re vwo dje ẹdọke yena rhabae na-a, rẹ Ọrovwohwo vwo nyo urhuru rẹ ohwo rẹ akpọ ọtiọye-e, kidie Ọrovwohwo họnre kẹ Izrẹl.

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Une rẹ Ejiro 80:3

Vwẹ avwanre rhivwi rhe, E Ọghẹnẹ, jẹn opharo wẹn lọ, rere ma vwọ sa rhọ!

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Une rẹ Ejiro 118:6

Rẹ Ọrovwohwo vẹ ovwẹ vwo obo na me gbe djẹ oshọ-ọ. Kidie ohwo se ru vwe?

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Urhi Rivẹ 20:4

kidie Ọrovwohwo rẹ Ọghẹnẹ wẹn na ri nene uwe ra, ra họnre ivwighrẹ wẹn na kẹ wẹ, rẹ ọ kẹ wẹ ephio kparobọ.

Ẹyano 14:25

adjugẹ rẹ akpẹrẹ rayen de bruro ibehre ọtiọye na kẹ ayen djẹ tẹgbẹ tẹgbẹ; ihwo rẹ Ijipt na da ta, E jẹn a djẹ nẹ oma rẹ ihwo rẹ Izrẹl na, kidie Ọrovwohwo yen họnra ihwo rẹ Ijipt kẹ ayen na.

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Joshua 10:43

Etiyin Joshua de rhivwi, ọ vẹ Izrẹl ejobi, kpo obo erhọn vwi Gilgal.