Joshua 10:40 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁰ Ọtiọye Joshua phi otọ na ejobi kua, orho rọ obenu rẹ ugbenu na kugbe Negẹb vẹ etọ rẹ hẹ obo ọghwrọrọ na, vẹ ivie rayen, ọ yan jẹ ọvuọvo vwo-o, ẹkẹvuọvo ọ da guọghọ obo re nwẹn vwo ejobi, kirobo rẹ Ọrovwohwo Ọghẹnẹ rẹ Izrẹl ji urhi kẹ.

Joshua 10:40 Referans Kwoze

Une rẹ Ejiro 9:17

Oruimwemwu cha yanran kpo Erivwi kugbe ẹgborho ejobi rẹ Ọghẹnẹ chọrọ ẹro.

1 Ivie 15:29

Rọ ghwa vwọ re ovie nu, o de hwe uwevwi ri Jeroboam ejobi; o rhe jẹ ohwo ọvuọvo vwo vwẹ uwevwi ri Jeroboamu-u, bẹsiẹ rọ vwọ guọghọ re, kerẹ ota rẹ Ọrovwohwo rọ wan unu rẹ odibo rọye Ahija rẹ ohwo ri Shilo ta;

Joshua 10:37

ayen da reyọ, ayen da vwẹ ọlọkọ nyavwọ hwe, ovie rọye vẹ irho rọye kugbe kohwo kohwo rọ herọ; ọvuọvo chekọ-ọ, kirobo ro ru kẹ Ẹglọn, ọ da ghwọrọ kakare vi kohwo kohwo rọ herọ.

Joshua 10:35

ayen da reyọ vwẹ ẹdẹ yena, ayen da vwẹ ọlọkọ ghwọrọ; kohwo kohwo rọ herọ ọye ọ ghwọre vwẹ ẹdẹ yena, kirobo ro ru kẹ Lakish.

Joshua 9:24

Ayen da kpahe kẹ Joshua, Fikiridie a tarọ kẹ idibo wẹn gbagba nẹ Ọrovwohwo Ọghẹnẹ wẹn ji urhi kẹ Mosis odibo rọye nẹ ọye vwẹ otọ na ejobi kẹ, nẹ ọ rha ghwọrọ ihwo re dia otọ na ejobi no kakare, oshọ rẹ arhọ rẹ avwanre kọye ri mu avwanre, vwọ ru emu nana.

Joshua 8:27

Jokpa rẹ uchuru vẹ ekuakua re hẹ evun rẹ orere na ọye Izrẹl ghwẹ reyọ, kerẹ urhi rẹ Ọrovwohwo ji kẹ Joshua.

Joshua 8:2

ku wo ru kẹ Ai vẹ ovie roye kirobo ru wo ru ki Jeriko kugbe ovie roye, jokpa rẹ ekuakua rọye vẹ uchuru rọye ọvo wọ reyọ kẹ oma wẹn; ra hwa phihọ hẹrhẹ orere na, vwẹ obuko roye.

Joshua 6:17

Te orere na kugbe obo re herọ ejobi kẹ a vwẹ ayen ze kẹ Ọrovwohwo rere a ghwọrọ ayen kufia; jokpa ri Rehab rẹ igberadja na ọvo vẹ ihwo rẹ uwevwi rọye ọvo re cha rhọ, kidie o si ikọn re ji rhe na nu.

Urhi Rivẹ 7:24

Ko che phi Ivie rayen phihọ obọ wẹn, ke hwe odẹ rayen nẹ otọ rẹ ọnre na; ohwo ro se mudia vwẹ obaro wẹn, gbe dia-a, bẹsiẹye wọ vwọ ghwọrọ ayen nu.

Joshua 18:21

Asakiephana irere rẹ orua ri Benjamin vwẹ ekrekru rayen da dia Jeriko, Bẹtoglah, Emekeziz,

Joshua 12:8

vwe obo orere rẹ ugbenu na, vwe obo ushekpotọ na, vwẹ evun rẹ Araba na, te oghwrọrọ na, vwẹ evun rẹ aton na, vwẹ obo Negeb, otọ re ihwo ri Hẹt, ihwo re Amọr, ihwo ri Kenan, ihwo ri Pẹriz, ihwo ri Hiv, kugbe ihwo ri Jebu)

Urhi Rivẹ 1:7

wa rhẹriẹ oma re we mu oyan rẹ ovwan phihọ, re wo kpo ugbenu rẹ Amọr vẹ asan kasan rọ kẹrẹ ejobi, vwẹ Araba, vwẹ evun rẹ ugbenu na, vẹ iyara na, vi Nẹgẹb, kugbe orhoma rẹ abadi, re hẹ otọ rẹ ihwo ri Kenan, vi Lẹbanọn, re te urhie rode na, urhie ri Yufretis.

Ẹyano 34:12

Gba kẹnoma wẹn, we de rhe nene ihwo rẹ otọ re wa ra na re ọphọ, ọ da rha dia ufi vwẹ ohri rẹ ovwan.

Joshua 10:39

ọ da reyọ vẹ ovie rọye vẹ irho rọye ejobi; ayen da vwẹ ọlọkọ nyavwe ayen hwe, ayen da ghwọrọ kohwo kohwo rọ herọ kakare, ọ yan jẹ ohwo ọvuọvo vwo-o; kirobo ro ru Hebrọn vi Libnah vẹ ivie rayen, ọtiọye o ru Debir vẹ ovie rọye.

Joshua 11:16

Etiyin Joshua da reyọ etọ yena ejobi, orho rọ obo ugbenu na ejobi kugbe Nẹgeb vẹ etọ ri Goshẹn ejobi kugbe obo ushekpotọ na kugbe Araba ra ro irho rẹ obo ugbenu rẹ Izrẹl kugbe ishekpotọ rọye na,

Ukeri 13:17

Mosis de ji ayen yanran re dọrhẹ ri Kenan, ọ da ta kẹ ayen, yanran kpo obi Nẹgẹb, re wa yanran kpo obo orere rẹ ugbenu na,

Urhi Rivẹ 2:34

Avwanre da reyọ irere rọye ejobi, eshare, te eya, vẹ imitete; vwẹ ọke yena, avwanre jẹ ọvuọvo vwo-o;

Nehemaya 9:24

Ọtiọye na uvwiẹ rayen da yanran re vwo otọ na, wọ da djẹ ihwo re dia otọ na jovwo no, ihwo ri Kenan, wo de phi ayen phihọ obọ rayen, vẹ ivie rayen kugbe Ihwo rẹ otọ na, rere ayen ru obo ri je ayen kẹ ayen.