Joshua 10:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Eriyin Joshua da ta ota kẹ Ọrovwohwo vwẹ ọke rọ vwọ vwẹ ihwo rẹ Amọr kẹ Izrẹl hwe nu; ọ da ta vwẹ obaro rẹ Izrẹl ejobi. Ọnre, mudia gbiei vwi Gibeọn, wẹ rẹ emeranvwe vwẹ iyara ri Aijalọr.

Joshua 10:12 Referans Kwoze

Habakọk 3:11

Ọnre vẹ emeranvwe de mudia fọ vwẹ ẹdia rayen vwẹ urhukpẹ rẹ edada wẹn ra sa yanran na, vwẹ asan rẹ ubiri wẹn da nyavwaro.

Aizaya 38:8

Nighe, ki mi ru uhoho rẹ ọnre na hirhe kpo obuko o mi re she phihọ ugheghẹ rẹ Ehaz ichiyi ihwe kpo uko. Ọtiọye na ọnre na de rhivwi kpo uko ichiyi ihwe.

Aizaya 60:20

Ọnre wẹn gbi che she kpotọ-ọ, eyẹ emeranvwe wẹn gbi si reyọ-ọ, kidie Ọrovwohwo re cha dia urhukpẹ wẹn bẹdẹ, ẹdẹ rẹ oma emuophihọ ko che vwo oba.

Aizaya 28:21

Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Une rẹ Ejiro 19:4

dede na ye urhuru rayen yan ro akpọ na ejobi duvwu, eta rayen re te oba rẹ akpọ na. Vwẹ evun re ayen ọ bọn ọgarivi phihọ kẹ ọnre,

Joshua 10:13

Ọnre de mudia gbiei, emeranvwe na da daji, bẹsiẹ rẹ ẹgborho na vwọ vwẹ ivwighrẹn rayen reihri, E rhe si ọnana phihọ ọbe ri Jasha? Ọnre de mudia vwẹ irharheghe, o gbi se she kpotọ vwẹ ẹdẹ yena-a.

Une rẹ Ejiro 148:3

Jiro, ọnre kugbe emeranvwe, jiro, isio ri lo ejobi!

ỌBE RẸ JOB 9:7

ọ ro ji urhi kẹ ọnre, rọ gbe va cha-a; ọ rọ huhẹ elo rẹ isio na.

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Une rẹ Ejiro 74:16

Uvo ọ wẹn, ason je vwe ọwẹn rhe; wọwẹ re vwẹ isio na kugbe ọnre na vwo mu.

Joshua 19:42

Shaalabbin, Aijalọn, Itlah,

Urhi Rivẹ 17:3

ro de gbe odibo kẹ ẹdjọ rọ da ga ayen, ọnre eyẹ emeranvwe eyẹ emu efa rẹ obo odjuvwu, re Me djẹ ovwan na,

Emọs 8:9

Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Iguẹdjọ 12:12

Etiyin Elọm ohwo ri Zẹbulọn na de ghwu, e de shọ vwi Aijalọn vwẹ otọ ri Zẹbulọn.

Iguẹdjọ 5:20

Isio rẹ obo odjuvwu da rhe họnre, ayen da rhe họnre Sisira.

1 Samuẹl 14:31

Ayen da nyavwe ihwo ri Filistia kuotọ vwẹ ẹdẹ yena nẹ Mikmash re te Aijalọn. Oma de ro ihwo na gangan;

2 Samuẹl 2:12

Abner ọmọ ri Ner, kugbe idibo rẹ Ishboshet ọmọ ri Sọl, de nẹ Mahanaim rhe kpo Gibiọn.

Ivie rẹ Ivẹ 20:11

Aizaya rẹ ọmraro na da viẹ se Ọrovwohwo; ọ da vwẹ uhoho na kpo uko ichiyi ihwe, rẹ ọnre na vwọ yan kpo uko vwẹ ichiyi rẹ Ehaz.

Jerimaya 28:1

Vwẹ ukpe yena ọvo na, vwẹ ẹtuohọ rẹ uvie ẹriọ ri Zedikaya ovie ri Juda, vwẹ emeranvwe rẹ iyori rẹ ẹgbukpe rẹne, Hananaya ọmọ rẹ Azu rẹ ọmraro ro nẹ Gibeọn rhe, da ta kẹ vwẹ vwẹ uwevwi rẹ Ọrovwohwo, vwẹ idaro rẹ irherẹn na vẹ ihwo na ejobi, nẹ,

Emọs 2:9

Je Me guọghọ ihwo rẹ Amọr re hẹ obaro rayen, re epha grogro kerẹ igedu, re epha gangan kerẹ iloho, Me guọghọ emamọ rọye rọ he obenu, kugbe awọ rọye rọ he obotọ.

Joshua 21:24

Aijalọn vẹ etọ rẹ egbri rọye, Gatrimmọn ve etọ rẹ egbri rọye–irere ene;

1 Samuẹl 12:18

Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.

Ivie rẹ Ivẹ 20:9

Aizaya da ta, Ọnana ọye oka ro nẹ obọ rẹ Ọrovwohwo bru we rhe, nẹ Ọrovwohwo che ru obo ro veri na gba. Kẹ uhoho na cha vwẹ ichiyi ihwe kpo obaro gbe nẹ ọ cha vwẹ ichiyi ihwe kpo obuko?

Ivie rẹ Ivẹ 20:10

Hẹzikaya da kpahe, Ọnana emu ọlọlọhọ vwọ kẹ uhoho rọ vwọ vwẹ ichiyi ihwe gro kpo obaro; ẹkẹvuọvo e ji uhoho na vwẹ ichiyi ihwe gro kpo uko.

1 Ikun rẹ Ivie 8:13

Beriah vi Shema (ayen ihwo ri vwo uyovwi vwẹ uwevwi rẹ esẹ rayen vwẹ ihwo rẹ Aijalọn rọ nẹrhe ihwo ri Gat djẹ).

2 Ikun rẹ Ivie 11:10

Zorah, Aijalọn, kugbe Hibrọn, irere ra gba ogba phihọ ri Juda kugbe Bẹnjamin.