Joshua 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke rẹ Adonizẹdẹk ovie ri Jerusalẹm vwo nyo nẹ Joshua reyọ Ai, nẹ ọ guọgherọ kakare, nẹ o ru kẹ Ai vẹ ovie rọye kirobo ro ru kẹ Jeriko vẹ ovie rọye, kugbe obo re ihwo ri Gibeọn vẹ Izrẹl vwọ rhuẹrẹ kugbe ke dia ohri rẹ ayen,

Joshua 10:1 Referans Kwoze

Hibru 7:1

Kidie Mẹlkizẹdẹk nana, ovie ri Salẹm, orherẹn rẹ Ọghẹnẹ ro me kpenu, ọye re vwa Ebraham ro vwo nẹ ofovwi rẹ ihwehwe rẹ ivie cha ọ da nẹ ẹrhovwo kẹ;

Joshua 8:2

ku wo ru kẹ Ai vẹ ovie roye kirobo ru wo ru ki Jeriko kugbe ovie roye, jokpa rẹ ekuakua rọye vẹ uchuru rọye ọvo wọ reyọ kẹ oma wẹn; ra hwa phihọ hẹrhẹ orere na, vwẹ obuko roye.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

Jẹnẹsis 14:18

Melkizẹdẹk ovie ri Salẹm da vwẹ ọkuọka vi wain vwo rhe, ọye orherẹn rẹ Ọghẹnẹ ro Me Kpenu.

Joshua 8:21

Ọke ri Joshua vẹ ihwo rẹ Izrẹl ejobi vwọ mrẹ nẹ ihwo re hwa phihọ na reyọ orere na nure, nẹ ivwirhi rẹ orere na mu kpenu, etiyin ayen de rhivwi re hwe ihwo rẹ Ai.

Joshua 10:3

Etiyin Adonizẹdẹk ovie ri Jerusalẹm de ji ikọn bru Hoham ovie ri Hebrọn, bru Piram ovie ri Jarmut, bru Jafia ovie ri Lakish, rhe Dibir ovie rẹ Eglọn, tanẹ,

Joshua 9:3

Ẹkẹvuọvo ọke rẹ ihwo re dia Gibeọn vwo nyo obo ri Joshua ru kẹ Jeriko vẹ Ai,