Joshua 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Nẹ aton nana kugbe Lẹbanọn nana rhiri re te urhie rode na, urhie ri Yufretis, otọ rẹ ihwo ri Hẹt ejobi re te Abadi Rode na rhiri re te asan rẹ ọnre de she kpotọ kọ dia ubrotọ wẹn.

Joshua 1:4 Referans Kwoze

Ẹyano 23:31

Ke me cha vwẹ ughwru rẹ ovwan vwo mu nẹ Abadi ọvwavware na re te Abadi ri Filistia nẹ aton na re te Yufretis; kidie mi che phi ihwo rẹ otọ na phihọ obọ wẹn, ke wọ cha djẹ ayen nẹ obaro wẹn.

Urhi Rivẹ 11:24

Asan kasan rẹ ẹhẹrhawọ rẹ ovwan chiri ejobi kọ dia ọ rẹ ovwan, ubrotọ rẹ ovwan ko nẹ aghwa na, re te Lẹbanọn, nẹ urhie na, Urhie rẹ Yufretis, re te abadi rọ obuko ọnre.

Urhi Rivẹ 3:25

Me rẹ wẹ, ju vwe wanvrẹn ra mrẹ otọ esiri rọ hẹ ovrẹn ri Jọdan na, ugbenu esiri yena, kugbe Lẹbanọn na.

Urhi Rivẹ 1:7

wa rhẹriẹ oma re we mu oyan rẹ ovwan phihọ, re wo kpo ugbenu rẹ Amọr vẹ asan kasan rọ kẹrẹ ejobi, vwẹ Araba, vwẹ evun rẹ ugbenu na, vẹ iyara na, vi Nẹgẹb, kugbe orhoma rẹ abadi, re hẹ otọ rẹ ihwo ri Kenan, vi Lẹbanọn, re te urhie rode na, urhie ri Yufretis.

1 Ikun rẹ Ivie 18:3

Devid de ji phi Hadadezer rẹ ovie ri Zobah kua vwẹ oma ri Hamat rọ vwọ yanran ra bọn uwevwi rẹ ẹkarohọ rọye vwẹ oma rẹ urhie ri Yufretis.

1 Ikun rẹ Ivie 5:9

Ọ da dia obaro ọnre rhiri re duvwu asan ra wan ro aton na vwẹ ẹbẹre obonẹ ri Yufretis fikiridie erhuẹn rayen rhi buphihọ vwẹ otọ ri Giliad.

Ẹvwọphia 9:14

rọ ta kẹ amakashe resan na ro vwo owanre na nẹ, Rhan emakashe ẹne na ra ghare vwẹ obo urhie rode ri Yufretis.

1 Ivie 4:21

Solomọn de sun uvie na nẹ Yufretis re te otọ ri Finistia rhiri re te ughwru rẹ Ijipt; ayen da ghwẹ ẹga rhe ayen da ga Solomọn vwẹ ẹdẹ rẹ akpọ rọye ejobi.

Ezra 4:20

Nẹ ivie re dia egba buebu je dia Jerusalẹm re, ri ji sun ubrakpọ ejobi vwẹ Obovrẹn rẹ Urhie na, ra je hwa osa rẹ uyovwi, osa rẹ otọ, kugbe arhọghọ kẹ re.

1 Ivie 10:29

A sa dẹ akpẹrẹ rẹ ofovwi ọvo nẹ Ijipt rhe shẹkẹl rẹ idọnọ efuanfon ujori esan, iyesi ke rha vwẹ ujori gbe ujuvẹ gbe ihwe; vwẹ obọ rẹ ineki rẹ ovie keye e wan te obo rẹ ivie rẹ ihwo ri Hẹt kugbe ivie ri Siria.