Joshua 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kohwo kohwo ro gbe kpahe urhi wẹn na ro rhe mu ọghọ kẹ ota wẹ-ẹn, kurhi kurhi ri wo ji kẹ, ka teyọ hwe. Takpe goma re wo yivwaro ọvo.

Joshua 1:18 Referans Kwoze

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

Ezra 10:4

Evrẹn, kidie ọnana iruo wẹn, avwanre vẹ owẹ herọ, gba gan oma wo ruo.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

1 Samuẹl 11:12

Etiyin ihwo na da ta kẹ Samuel, Amono re tanẹ, Ki Sọl cha re uvie vwẹ enu rẹ avwanre? Vwẹ ihwo na rhe, rere a teye ayen hwe.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Urhi Rivẹ 17:12

Ohwo ro phuoma ro gbi mu ọghọ kẹ orherẹn rọ mudia vwẹ obaro rẹ Ọrovwohwo rẹ Ọghẹnẹ rẹ ovwan na-a, eyẹ oguẹdjọ na-a; ohwo yena ko ghwu; eriyin ovwan vwọ hworhẹ umwemwu nẹ Izrẹl na.

Joshua 1:17

Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Joshua 2:1

Etiyin Joshua rẹ ọmọ ri Nọn da bẹbẹ ji ihwo nẹ otọ ri Shitim nẹ i re dọrhẹ, tanẹ, Yanran, re ni otọ na, marho ki Jeriko. Ayen da yanran, ayen de rhi te uwevwi rẹ igberadja ọvo re se odẹ rọye Rehab, ayen de won phihọ etiyin